About Me

Purpose of MOWA Blogs: “Let there arise out of you a group of people inviting to all that is good (Islam), enjoining Al-Ma’ruf (i.e. Islamic Monotheism and all that Islam orders one to do) and forbidding Al-Munkar (polytheism and disbelief and all that Islam has forbidden). And it is they who are the successful.” [Quran 3:104] To provide the members and non-members alike the values and benefits of the knowledge of Islam thru worthful shared on-line journal where people can read and eventually share it to others.

Thursday, August 2, 2012


Fahad Haris
Hisiyu namayan in kiyawajiban mag-sambahayang juma’at pa masjid
Mawajib in sambahayang juma’at ha hisiyu-siyu duun kaniya in manga sipat nasabbut ini

Hika isa : subay in kaunan niya usug , hatiniya in babai wayruun piyawajib kanila sin sarah in sambahayang juma’at , malaingkan bang sila mabayah sumahbu iban mabayah lumamud mag-jama’a pa masjid jiyari kanila sin sarah ha sarat subay sila dih makarihil pitna ha manga kausugan , iban subay sila mag-tamung sin tamungun tiyutat sin sarah biyah na sin mag-hijab sila sartah aniban nila in mag-tamung gimuguwah in anggawtah baran nila iban aniban nila in pag-pamahut .
Hikaruwa : subay in kaunan niya tau hur ( limaya) bukun tau banyagah / ipun , ha tungud sin sarat ini naawun in khilaf ( pag-sulang ) sin manga ulama tu in papanaw nila duun .
• Papanaw panagnaan , In tau ipun wayruun siya kiyawajiban sin sambahayang juma’at in dalil piyangamdusan nila hadith sin rasul salla allahu alayhi wassalam

قال النبي صلى الله عليه وسلم : ( الجمعة حق واجب على كل مسلم إلا أربعة : عبد مملوك أو امرأة أو صبي أو مريض )

Sabda sin nabiy Muhammad salawat iban salam kaniya sin allah : ( in sambahayang juma’at sabunnal tuud wajib siya ha katan muslim malaingkan ha upat tumpukan : tau ipun , atawa babai iban batah-batah iban sin tau nasasakit ) .
Iban laung nila in tau ipun / banyaga naliligap siya ha paghaddaman sin nakurah niya / tag-milik kaniya .

Amura kuman in hadith piyag-dalil niya yan daif sabab sin nag-riwayat kaniya pag-ngan hi ta’rik ibn shihab laung sin kaibanan ulama in siya bukun sahabat , aun isab baytah in siya kitah niya in nabiy Muhammad salawat iban salam kaniya sin allah sumagawah wayruun siya nakarungug hadith daing ha nabiy allahu ahlam .

• Papanaw hikaruwa , in tau ipun / banyagah wajib niya hitunay in sambahayang juma’at in dalil piyangamdusan nila farman sin allah

ﭧ ﭨ ﭽ ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ ﭜ ﭝ ﭞ ﭟﭠ ﭡ ﭢ ﭣ ﭤ ﭥ ﭦ ﭧ ﭼ الجمعة: ٩

Ya kamu manga bar-iman amuin manga namamaratsaya apabila magbang na ha waktu juma’at panaw na kamu pa masjid karnah tumunay sin diyaakan kaniyu sin allah sartah binan niyu na in pag-dagang iban pag-bi niyu , sabab in kakahinang yadtu hikarayaw kaniyu bang niyu sadya kiyaingatan .

Duun ha ayat yan in tau ipun nakasud siya pa jumlahan sin manga sila bar-iman daing ha sabab yan wajib kaniya subay sumambahayang juma’at pa masjid .
Siyambag nila in papanaw panag-naan amuin nag-iyan in tau ipun ligap siya ha pag haddaman sin tag-milik kaniya , laung nila Adapun bang in dawa’a niyu in siya ligap duun hapag haddaman sin tag-milik kaniya in bissara yan daif / sabab dih manjari mag-taat in ipun ha daakan sulang hakabayaan sin allahu ta’ala . ampa in pag-pahgang tumunay sin jumaat in yan sulang ha kabayaan sin tuhan daing ha sabab yan dih manjri ha ipun mag-ta’at ha tag-milik kaniya atawa kan nakurah niya .

• Papanaw hikatu , apabila tiyugutan siya sin tag-milik kaniya duun ha kahalan yan wajib niya tunayun in sambahayang juma’at , adapun bang siya wayruun tiyugutan sin tag-milik kaniya wayruun siya kiyawajiban tumunay sin sambahayang juma’at .
In papanaw ini nag-paut siya ha duwa papanaw nasabbut . sartah in papanaw yan ha gihtungan siya sin duwa papanaw sabab bang ta biyah bandingun marayaw in kahalan sin tau ipun/ banyagah in siya wayruun gaus iban pag-bayah niya sabab in katan kignut hibal niya subay labay baid daing ha tag-milik kaniya dih siya makapag us-us humingan sin kakahinang bang bukun labay baid daing ha tagmilik kaniya .
Hikatu : subay in kaunan niya mukallaf ( sangput in pangummulan iban taga akkal ) in dalil niya sabda sin nabiy mhammad salawat iban salam kaniya sin allah

قال صلى الله عليه وسلم : ( رفع القلم عن ثلاثة : عن الصغير حتى يبلغ ، و عن المجنون حتى يفيق و عن النائم حتى يستيقظ )

Dih hipalukis in dusa ha tu sinip manusiya : batah-batah sahingga siya sumangput in pangummalan niya , iban ha tau dupang sahinnga siya makasayu , iban ha tau natutug sahigga siya makabati .

Hikaupat : subay in kaunan niya muslim , sabab sarat hikataymah sin ibadat daing ha sabab yan
Hika lima : subay in kaunan niya ( mustawtin ) naghuhulah duun ha kawman bukun biyah nanghantih hantih sadya .


HAK SIN PANGDAIG BAY MU DUUN KAYMU

Alahmdulillah sanglit pa allahu ta’ala tuhan amuin nag-sampurnah sin agama isalm sartah nag-pajukup kaniya , salawat iban salam ha nabiy pilihan Muhammad ibn abdillah lapay na in kaluwargah niya iban sin katan sahabat niya dana in katan ummat niya umupih kaniya sampay pa adlaw kiyamat mahauli niya

Manga ummat islam in agama natuh islam siya na sataas taas agama daing ha katan agama , sabab hinduan niya kitaniyu sin aqida sawasah , kakahinang marayaw hangkan subay in hambuuk muslim paragbusun niya duun in agama ha baran niya .
Piyanduan kitaniyu sin agama islam bang biyaddiin mag-marayaw ha pag-kahi manusiya labi awla na tuud ha pangdaig bay .
Hangkan ha dih pakaw makapag hulah / atawa kan manghantih duun ha lungan yaun subay lawagun mu in dahun mu in sarayaw – rayaw pangdaig bay sabab apabila marayaw in mara mu mag-daig bay tiranan siya hikasanyang mu iban sin liud mu .

قال صلى الله عليه وسلم ) : أربع من السعادة : المرأة الصالحة ، والمسكن الواسع ، والجار الصالح ، والمركب الهنئ . وأربع من الشقاء : المرأة السوء ، والجار السوء ، والمركب السوء ، والمسكن الضيق (

Ha sabda sin salla allahu alayhi wassalam : upat parakalah dain tiranan hika sanyang sin hambuuk manusiya , babai muslima saliha , bay maluag , pangdaig bay marayaw , iban sasakatan ma’amu , damikkiyan niya upat parakalahdaing ha manga tiranan hika binsanah , babai mangih ( in lakuh tabiat ) pangadaig bay jawlaka sasakat mangih , iban sin bay makiput ) .

In pangadaig bay tungkajinis in tumpukan nila

Hika isa niya : muslim sartah lahasiya mu , bang sawpa in nara mu nagdaig bay lahasiya mu sartah msulim siya kiyahakan kaw sin tu parakalah
1. Hak sabab sin lahasiya mu mu siya , hangkan subay mu hitunay in hak sabab sin lahasiya niya duun kaymu , tabangun mu siya ha katan parakalah niya diin diin na in kagausan mu .
2. Hak sabab sin muslim siya , hangkan subay mu siya patum-tumun sin pag-agama , bang sawpama in kaunan niya dih mag-iibadat subay mu siya abi-abihun maun pa mag-ibadat pa tuhan .
3. Hak sabab din pagdaing mu siya , sabbutun natuh mayan bang unu in hak sin pangdaig bay .
Hikaruwa niya : pangadaig bay muslim , kiyahakan kaw sin duwa hak
1. Hak sabab sin muslim siya , hangkan subay mu siya patum-tumun sin pag-agama , bang sawpama in kaunan niya dih mag-iibadat subay mu siya abi-abihun maun pa mag-ibadat pa tuhan .
2. Hak sabab din pagdaing mu siya , sabbutun natuh mayan bang unu in hak sin pangdaig bay .

Hikatu niya : pangdaig bay kafir kiyahakan kaw sin
1. Hak sabab din pagdaing mu siya iban abi-abihun mu siya mau pa agama islam , sabbutun natuh mayan bang unu in hak sin pangdaig bay .

Daing ha manga hak sin pangdaig bay :

• Subay mu dih hinangun unu-unu na in hikapuhingah sin pangdaig bay mu ha sabda sin nabiy Muhammad salawat iban salam kaniya sin tuhan

قال صلى الله عليه وسلم ): والذي نفسي بيده. لا يؤمن عبد حتى يحب لجاره مايحب لنفسه (

Ibut pa nag-papanjari ha ginhawa ku , sabunnal tuud dih masampurnah in pamaratsaya sin muslim sahingga lasahun niya in pangdaig bay niya biyah sin ginhawa baran niya .

In maksud sin hadith , unu-unu na kakahinang dih mu kabayaan duun ha bay mu iban ha baran mu ayaw mu siya hinanga ha pangdaig bay mu .
• Ayaw mu puhinagaa in pangdaig bay mu sin bissara mu iban sin kakahinang mu ha sabda sin nabiy salawat iban salam kaniya sin allah

قال صلى الله عليه وسلم ( : من كان يؤمن بالله واليوم الآخر فلا يؤذ جاره )

Hisiyu- siyu in kaunan niya mattan namaratsaya pa allah iban pa adlaw akhirat ayaw niya puhingaun in pangdaig bay niya .
Ha sabda niya pa

وعن أبي هريرة رضي اله عنه أن النبي صلى الله عليه وسلم قال : (( والله لا يؤمن ، والله لا يؤمن ، والله لا يؤمن )) ! قيل : من يا رسول الله ؟ قال : (( الذي لا يأمن جاره بوائقه !)) متفق عليه وفي رواية لمسلم : (( لا يدخل الجنة من لا يأمن جاره بوائقه )) .

( sapahan ku pa allah ( 3x ) bukun sampurnah in paratsaya niya ) aun nangasubu : hisiyu in tau yan ya rasulu allah ? sabda niya ( amuin tau dih niya masalamat in pangdaig bay niya sin kangian niya ) ha habuuk baytah ( dih makasud surgah hisiyu- siyu in dih niya masalamat niya in pangdaig bay niya sin unu- unu na kangian niya ) .

Duun ha hadith nasabbut natuh daing ha manga hukaman makawah
1. Hiyaram kaymu mag-hibuk ha pangdaig bay mu biyah na sin mag-pakatingug kaw music atawa kan kalangan .
2. Hiyaram kaymu mag-lummi ha lalabayan niya .
3. Hiyaram kaymu sumib palaum bay sin pangdaig bay mu .
4. In kakahinang mangih ha pangdaig bay tiranan siya hikasud narkah .
5. Bang aun hakajat sin pangdaig bay mu su bay mu siya tabangan diin diin na in kagausan mu .
6. Bang kaw mag-adjal sin sabaw patau-taura dihili in pangdaig bay mu , sabab daing ha manga pag-marayaw kaniya .

Unu in hukaman sin tau dih niya masalamat sin kangian niya in pagdaig bay niya biyah sin mag-hibuk magpakatingun music atawa kan mag istambay maghibuk ?
Wayruunpag-duwa ruwa in kakahinang yan daing ha manga salaggu-lagguh dusa pa tuhan .sabab nagbanda in nabiy Muhammad sin dih makasud surgah hisiyu – siyu mangih in pangaddatan niya ha pangdaig bay niya .
Bang mayan pabuntulun sin tuhan in pangaddatan natuh sartah rijikian niya kitaniyu sin pangdaig marayaw allahumma amin .

Allahu ahlam