Hukuman sin Riba

Hukuman sin Riba

In hukumayan sin pag-kanda riba haram kiyalimpal sin allah ha qur-an iban kibaytah sin nabiy ha hadith niya iban piyag-mawpakkatan sin katan ulama .
Dalil ha qur-an parman sin allah :
قال تعالى : {يَاأَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ *}{فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278، 279]
Hatiniya :
Ya kamu amuinmga namamaratsaya pag-mabugah kamu pa allah sartah tingali niyu in pag-ribah bang in kauna niyu muhmin ) ( nah! bang niyu dih tinggalan in pag-ribah allah mahasutsi mahatinggi iban sin rasul niya in maatu niyu )
Sabda sin nabiy salawat iban salam kaniya :
قال صلّى الله عليه وسلّم: «لعن آكل الربا وموكله وشاهديه وكاتبه وقال: هم سواء»

Hatiniya: liyahnat sin allah in tau mag-ganda riba iban sin tau piyagwakilan sin riba iban simaksi ha pag-riba iban sin nag-sulat sin riba : laung sin rasul : in sila katan ha dusa sibuh .
Ha tungud sin pangasubu mu yan indah in kahupuaan niya :
In katan padjak atawa kan pawnshop atawa kan pag-sandaan bulawan atawa kan pag-sandaan celphone apabila aun enterest niya wayruun pag-duwa ruwa in hukuman niya ganda riba liyahnat sin tuhan in nag-sandah iban diyak nagsanda iban simaksi duun ha pag-sanda/ ha pawnshop iban liyahnat sin tuhan in nag-sulat sin pag-ribah makasud sila duun ha hadith sin nabiy salawat iban salam kaniya .
Aun pa ha hambuuk baytah in sababah na dusa sin mag-kanda ribah biyah da sin kiyawinan sin hmabuuk usug in inah niya piyakalayuh sin tuhan ,hangkan mawpakkat in mga kaulamaan in hukuman sin riba haram iban daing ha mga salagguh-laggu dusa pa allah .hangkan wajib subay baytaan mag-usus in mga sila manusiya mag-kanda ribah hasupaya nila tinggalan in kakahinang yan .