Mga manusiya pa silungan sin allah ha adlaw kiyamat

Mga manusiya pa silungan sin allah ha adlaw kiyamat

Tum-tumun natuh mga taymanghud ha agama islam in alaw kiyamat adlaw hinapusan na , sartah ha adlaw yaun nakalanduh tuud in lugay iban pasuh , sabab aha adlaw in mga manusiya tandah sin pasuh aun daing kanila in hulas nila mabut pa-tikud tikud nila , aun daing kanila mabut in hulas nila maun pa pusud nila aun daing kanila mabut in hulas nila maun pa liuug nila , aun pa daing kanila maluhmus na sila sin hulas tanda sin pasuh ha adlaw yan , ha bihayan na in pasuhiban kabinsanaan wayruun kasilungan sin mga manusiya ha adlaw yan , malaingkan aun daing ha mga tumpukan manusiya in sila pasilungun sila sin tuhan iban pasanyangun sila ha adlaw yan .

وعن أبي هريرة رضي الله عنه عن النبي صلى الله عليه وسلم قال: سبعة يظلهم الله في ظله يوم لا ظل إلا ظله إمام عادل وشاب نشأ في عبادة الله تعالى ورجل معلق قلبه في المساجد ورجلان تحابا في الله اجتمعا عليه وتفرقا عليه ورجل دعته امرأة ذات منصب وجمال فقال إني أخاف الله ورجل تصدق بصدقة فأخفاها حتى لا تعلم شماله ما تنفق يمينه ورجل ذكر الله خاليا ففاضت عيناه متفق عليه

Daing kan abu hurayra kiyaridaan siya sin allah daing ha nabiy salawat iban salam kaniya sin allah nag-sabda siya : ( pitung kajinis manusiya amuin pasilungun sin allah ha adlaw wayruun na kasilungan malaingkan sisilungan papanjarihun kanila sin tuhan .

1. Nakaruh adil / mabuntul manghukum duun ha hukuman sin allah iban rasul niya
2. Batah usug nakaw atawa kan babai simulig siya ha pag-ibadatan pa allah mahasutsi mahatinggi
3. Hambuuk usug in pangatayan niya gimagntung ha kamsjid-masjiran/ hatiniya dih siya makatanam mag-samabahayang lima waktu bang bukun ha msjid.
4. Duwa manusiya nag-lasa ha karnah sin allah , sartah nabutas sila ha karnah sin allah / biyah na sin duwa tau nag-bagay naghambuuk sila iban nag-sambibi ha karnah sin tuhan , sartah nabutas sila sin kamatay karnah sin tuhan daisab atawa kan nag-butas sila karnah sin tuhan bukun karnah nagkaluh, atawa kan buku karnah sin pilak iban sin altah .
5. Hambuuk usug yabia-abi sin babai balkanan /bukun babai puta sah laung niya in aku mabugah aku ha siksah sin allah .
6. Hambuuk tau nag-sadakka sin altah niya tapuk , tiyukbal sin tuu niya ha wayruun pangingat sin lawaniya / hatiniya nagsadakka siya karnah sin allah bukun karnah pag-pakitah kitah ha mga manusiyah.
7. Hambuuk tau usug naka atawa kan babai kiyatumtuman niya in allah ha wauyruun nakakitah kaniya / biyah na sin nagsambahayang siya tahadjud timangis siya timuh in luhah niya karnah sin allah .
Kiyariwayat hi al-bukhari iban hi muslim .
Duun ha mga jinisan sin manusiya amuin pasilungun sin tuhan ha adlaw kiyamat yan, pinih nakaw bang ha unu kaw daing ha mga jnisan sin manusiya yan hasupaya kaw dih magsusun ha adalw kiyamat .