Kapilugduhan sin pag-tamung seksi

Kapilugduhan sin pag-tamung seksi :

Daing ha mga salaggu-laggu kapilugduhan amuin jimatuh ha masa taniyu bihaun in mga sila kabaihan muslim naningudsingud na sila sin pag-tamung sin mga babai kafir , maytah malagguh in kapilugduhan sin pag-pamakay badjuh seksi amun gimugawa in kaibanan anggawtah baran atawa kan magtamung biyah na sin pitus biyamban ngan nan mu aun tamungun sah titilag iban nasisipat bang unu in hanngtang sin baran niya ?
In niya :
Sabab apabila in babai nanamung sin pag-tamung biyah na pitus biyamban atawa kan nanamung siya seksi , tantun tuud yukab niya in lawang sin kapitna-pitnahan , ukab niya in lawang pag-zina biyah ra siya sakaula-ula nanawagtawag ha mga kausugan kitaa niyu in baran ku ,iban kari kamu zina niyu aku , maytah timaud ha zaman natuh ini in pag-rape timaud in pag-zina sabab ukab sin kamatauran kababihan in lawang tiranan ma aun in pag-zina iban pag-daluhakah .
Tum-tuma ya kaw taymnghud ku babai amuin nagtatamung seksi , in nabiy mu Muhammad nagbanda kaymu , ha sabda niya : ( in kamatauran tau narka daing ha mga kababaihan ) bang mayan kaw lappasun sin tuhan daing ha narkah , iban tum-tuma in tuhan mu mahasutsi mahatinggi allah liyang kaw ha parman niya :
قال الله تعالى: { وَلَا تَبَرَّجْنَ تَبَرُّجَ الْجَاهِلِيَّةِ الْأُولَى } [الأحزاب 33]
Hatiniya : iban ayaw kamu ( mga kababihan sin muslim ) mag-tamung biyah sin pag-tamung sin mga kababaihan nakauna daing kaniyu .
Mayta biyadiin in pag-tamung sin mga kababaihan nakauna ?
Nah! in pag-tamung nila piyakikitah nila in aggawtah baran nila ha bukun nila bana iban in babai nakauna ha walah pa dimatung in islam wayruun halgah nila iban wayruun kamaruhan nila , hangkan dain di ha ayat manunjuki sin hiyaram tuud sin allah in mag-tamung seksi atawa kan nag-aabaya iban nag-titrung sah masipat mu in laum pamaranan niya .in tiyap-tiyap haram bang mahinang sin tau tantu mag-dusa siya pa tuhan bang bunnal da tuud nagtutuhan pa allah iban in pag-nabihan mu nabiy Muhammad salawat iban salam kaniya yari in bandah kaymu sin jungjungan kaymu .
عن عبد الله بن عمرو رضي الله عنه قال: جاءت أميمة بنت رقيقة إلى رسول الله - صلى الله عليه وسلم - تبايعه على الإسلام فقال: «أبايعك على ألا تشركي بالله شيئا، ولا تسرقي ولا تزني، ولا تقتلي ولدك ولا تبرجي تبرج الجاهلية الأولى». رواه أحمد (196/2) والطبراني في الكبير كما في المجمع (6/37) وابن مردويه كما في الدر المثنور (6/209) وقال الهيثمي: «رجاله ثقات». وقال الألباني في جلباب المرأة المسلمة (ص 191): «إسناده حسن».

Daing kan abdillah ibn amr kiyaridaan siya sin allah laung niya : dimatung maun pa nabiy hi amimah bint rakiqah pa rasul salawat iban salam kaniya sin in siya sumud na pa agama islam mag-paratasaya na siya pa allah iban mag=nabiy na siya ha nabiy Muhammad in sabda kaniya sin nabiy ( pajanjiun takaw pa allah in subay kaw dih mag-shirik hangsulag unu-unu na pa allah ha pag-ibadat mu , iban ayaw ka manakaw iban ayaw kaw mag-zina , iban ayaw mu bunua in anak mu iban ayaw kaw mag-tamung biyah sin pag-tamung sin mga kababaihan nakauna .
Sabda pa sin nabiy salawat iban salam kaniya :
( وشر نساءكم المتبرجات المتخيلات وهن المنافقات لا يدخل الجنة منهن » .. البيهقي (7/131/13478) وصححه الألباني في الصحيحة (1849)

Hatiniya :
In saingih-ngih na babai niyu amuin nag-tatamung seksi atawa kan nag-tatamung biyah na pitus biyamban iban mga kababaihan munafik nah! in sila yan dih sila pasurun sin allah pa laum sin surgah .

Sabda pa sin nabiy :


عن فضالة بن عبيد رضي الله عنه، أن النبي - صلى الله عليه وسلم - قال: «ثلاثة لا تسأل عنهم وامرأة غاب عنها زوجها قد كفاها مؤنة الدنيا فتبرجت بعده، فلا تسأل عنهم» أحمد (6/19) وسنده صحيح كما قال الألباني في الجلباب (ص 119)

Hatiniya : tu tumpukan daing ha mga manusiya dih na sila asubun sin tuhan hatinya sikasaun na sila magtuwi sin allah ,nasabbu daing ha mga tu yattu ( hambuuk babai in bana niya hatulakan sartah biinan siya sin bana niya sin mga kalalagihan niya sakali wayruun mayan duun in bana niya nag-tamung siya seksi/ biyah sin pagtamung sin kamatauran ha masa ta ini paguwaun in awrat .