Muna –muna nag-parman in allah mahasutsi mahatinggi

Muna –muna nag-parman in allah mahasutsi mahatinggi :

قال الله تعالى : ( يأيها الذين ءامنوا قوا أنفسكم واهليكم نارا ) التحريم : 6

Hatiniya : ya kamu mga amuin namaratsaya / bar-iman taming niya in ginhawa baran niyu mabut na pa mga anak asawa niyu daing ha narkah .

Dain di ha ayat ini in tiwawag sin allah muna-muna amuna in amah , wajib niya tamingan in baran niya daing ha narkah , ha tiranan magtaat sin pa allah huminang sin mga piyangdaakan niya, sartah umanib daing ha mga piyanglangan sin tuhan , pag-ubus niya tamingan in baran niya , wajib daisab tamingan niya in anak asawa niya daing ha narkah , sabab in anak asawa amanat sin tuhan duun ha usug / ha amah hangakn wajib niya subay biatun in anak asawa niya sin pag-agama subay siya dih mag-batih laul magbiat iban maghinduh sin pag-agama ha mga liud niya hangkan laung hi alih kiyaridaan siya sin allah ha tapsir sin ayat nabangkil :
( أدبوهم و علموهم )
Hatiniya :
Biata niyu in anak asawa niyu sartah hindui niyu sila sin pag-agama .
Damikkiyan niya in inah kiyawajiban daisab siya manghinduh iban mag-biat sin mga anak nila sabab in nabiy salawat iban salam kaniya nagsabda siya :
( كلكم راع وكلكم مسؤول عن راعيته )
Hatiniya :
In katan kamu yan piyangdulkan sin tuhan , iban piyag-amantan niy , nah! in kamu katan tanggung jawab sin amanat kaniyu .
Hatiniya in tiyap-tiyap aqmanat pangasubuhan kitaniyu sin tuhan , hangakn bang walah biat sin amah iban sin inah in anak nila sin pag-agama walah nila hinduan sin pag-mabugah pa tuhan iban walah nila hinduan sin pag-iman iban pag-baktih pa tuhan tantuh malaggu in pangasubu kanila sin tuhan ha dalw kiyamat ,
Malaingkan bang in duwa maas walah tuud nagbatih laul nagpatumtum iban nag-pahintul sin pag-agama ha mga anak nila inshallah kalu dih na sila asubuhun sinn tuhan iban dih na sila masukut sin mga anak nila iban dih na sila mag-dusa.

Ha tungud isab ha batah yan amuin timatapuk huminang sin haram iban mahsiyat nah! tum-tuma minsan walah kaw kitah hi inah mu kay amah mu tawan ha bigi jantung mu minsan pakaw pakain in allah kikitah niya kaw sartah aun malaikat nagjajakaga kaymu siyusulat in katan hinang mu dusa masapat pa daing ha hidden kam in duwa malaikat magsulat sin kignut hibal mu .