Mga kakahinang makru ha laum sambahayang
• Makruh in maglingih lingih halaum sin samabahayang sabab daing ha mga panasat sin shayatan malaingkan bang aun udjul biyah na sin aun kabugaan niya daing ha mga kuntara niya atawa ha sahbu siya ha pag-bunuaan duun ha kahalan yan wayruun das ah niya minsan siya maglingih lingih .
• Bang sawpama simihak kaatn in baran niya daing ha kiblah wayruun udjul niya mabahtal in samabahayang niya .
• Damikkiyan niya miyakru in umutud pa taas halaum sambahayang .
• Damikkiyan niya miyakru in pirungun in duwa mata halaum samabahayang ha wayruun udjul iban hajat , malaingkan bang sawpama niya aun makasasat ha unahan niya bukun makru in pirungun niya in duwa mata .
• Damikkiyan niya miyakru in sumandih pa ding-ding ha sahbu nagtitinndug ha wayruun udjul baran niya , bang sawpama niya in siya nasasakit wayruun sah niya minsan siya sumandig .
• Miyakru in maglangug ha laum sambahayang biyah na sin kumpitan niya in pungut niya atawa kan badjuh niya iban mag-kumpit sin ilung niya iban na sin dugaing niya ha wayruun udjul .
• Damikkiya niya miyakru in mag-pakulitik sin lima ha laum sambahayang .
• Damikkiyan niya miyakru in sumambahayang siya aun ha unahan niya amu in makasasat kaniya .
• Damikkiya niya miyakru in sumabahayang siya ha tampat aun patta .
• Damikkiyan niya makru sumambahayang nagsasandal siya sin ihih niya atawa kan taih niya , atawa nasasandal siya sin uhaw iban hapdih .
• Damikkiyan niya miyakru in sumambahayang siya bang in pag-kaun biyatang na .
• Miyakru daisab in kumawah siya daing ha mga un –unu hibutang niya pa tampat pag-sujuran sin tuk-tuk niya , biyah sin pag-hinangun sin mga rafida / shia sabab bang mu hinnag panig-singud kanila .
In maputut tuud subay palihalaun sin muslim in kasampurnaan sin pag-sambahayang niya , subay paunun niya in khuhuh iban tumahninah duun ha samabayang sabab in khusuh iban yumahninah laung sin mga ulama nyawa sin samabahayang , bang mayan kitaniyu tawpikan katan sin tuhan .
0 comments:
Post a Comment