mowa

Fahad Haris

HUKUMAN MAG-LARUT SIN UBAN ( BUHUK PUTI )

Manga tuwan manga rayang , sabunnal tuud in katan manusiya way bulirapat maag-baluba in dagbus nila katan karnah mag-susung in adlaw mag-lalaas sila , magad sambil in bukuh lumaas .

Daying ha manga nihmat dakulah dihilan sin Allahu ta’ala kalabbiyahan in katan muslim amuin limas siya halawman sin agama islam madawhat niya in karayawan yaun duun ha pag-parihalah niya ha piyangdaakan kaniya sin tuhan .

Karnah bang mu yagad wayruun liyarut in uban mu atawa buhuk putih , tartantu makadawhat kaw pahalah iban sahaya ha hadarat sin tuhan ha adlaw kiyamat .

عن عمرو بن شعيب عن أبيه عن جده : ( أن النبي صلى الله عليه وآله وسلم قال : لا تنتفوا الشيب فإنه نور المسلم ما من مسلم يشيب شيبة في الإسلام إلا كتب الله له بها حسنة ورفعه بها درجة وحط عنه بها خطيئة ) رواه أحمد وأبو داود

Kiyabaytah hi Amar ibn Shuayib laung niya baytah daying kan Amah niya , baytah daying ha apuh niya : [ sabunnal tuud in nabiy Muhammad salawt iban salam kaniya sin tuhan nagsabda siya : ayaw niyu laruta in uban , karnah sabunnal tuud in siya yan sahaya sin muslim ha adlaw kiyamat , wayruun daying ha manga muslim ( usug , iban babai ) limas miyuti in buhuk nila halaum sin ka islam malayingkan in tiyap-tiyap buhuk putih yan bistahun kaniya sin Allahu ta’ala karayawan , sartah ganapan in darajat niya , iban papasun in pardusan niya ] kiyariwayat hi Ahmad iban hi Abu Da’ud .

Ha tungud sin hukuman maglarut sin uban atawa buhuk puti :

Bang ha tungud sin pungut sin usug putih in bunnal papanaw hiyaram siya igun .

عن أنس بن مالك قال ( كنا نكره أن ينتف الرجل الشعرة البيضاء من رأسه ولحيته )

In baytah daying kan Anas kiyaridaan siya sin Allahu ta’ala [ in ka awnan namuh hiyaram sin kami in maglarut uban iban pungut putih ]

in lapal MAKRUH pag-uslan sin manga sahabat in maksud niya haram biyah na sin ha baytah yan …
Ha tungud sin uban laung hi Imam Ash-shawkaniy kiya ulungan siya sin tuhan

قال الشوكاني رحمه الله تعالى : ( والحديث يدل على تحريم نتف الشيب لأنه مقتضى النهي حقيقة )

[ In hadith yan manunjuki sin paglarut uban hiyaram siya karnah in kasabunnal sin pag-lang duun yan manunjuki siya paharam ] .
Adapun in jumhur ulama ( kamatauran ulama ) daying namayan ha ulama sin Ash-shafieyya iban sin Hanabila iban sin kabaibanan nila , makru in maglarut uban pakanila , ha pagpaham nila sin hadita nasabbut .

قال النووي : لو قيل يحرم النتف للنهي الصريح الصحيح لم يبعد قال : ولا فرق بين نتفه من اللحية والرأس والشارب والحاجب والعذار ومن الرجل والمرأة )

Laung hi Iman An-nawawiy kiya ulungan siya sin tuhan [ bang sadya sila imiyan sin hiyaram in pag-larut uban sabab sin liyangan matarrang tantau masuuk in hukuman pa kaharam daying sin makru.... ]

Duun hawni lamud na in kilay pilluk mata sibu dakan usug atawa babai .

ALLAHU AHLAM

........................

Piyangawaan kitab :

NAYLUL AWTAR kan Ash-shawkaniy kiya ulungan siya sin tuhan .
Duun ha bab ( KARAHIYYATU NITFU ASH-SHAYIB ) umbul sin hadith ha kitab Al-muntaqa 141 .

Tab’a ( print ) daru ibnu Al-jawziy .