Sambahayang sunnat ratibah

Sambahayang sunnat ratibah ( sunnat kabliyatan iban bahdiyatan )

In sunnat ratiba apdal bang siya mahinang dih daib siya mag-dusa bang niya kiyatinggalan adpun miyakru ha mga sila manusiya amuin nag-parihalah sin sunnat ratibah bang nila tinggalan sartah laung sin kaibanan imam sin madhab bang niya tinggal mag-dusa siya maig daing kaniya in pag-ka adil sabab sin pag-tinggal niya yaun manunjuki sin nag-pahil pahil siya sin pag-agama niya .adpun in kalabbiyan sin samabahayang sunnat nasabbut tana nakauna .
In sunnat ratiba in taud niya hangpuh rakaat
• Duwa rakaat ha dih pa siya makasambahayang dhuhur
• Duwa rakaat pag-ubus niya sumabahayang dhuhur
• Duwa rakaat pag-ubus niya sumambahayang mag-rib .
• Duwa rakaat pag-ubus niya sumambahayang isha .
• Duwa rakaat ha dih pa siya maka sambahayang fajar / subu .
In dalil sin mga sunnat nasabbut yan :
حديث ابن عمر رضي الله عنهما ; قال : حفظت من رسول الله صلى الله عليه وسلم عشر ركعات : ركعتين قبل الظهر , وركعتين بعدها , وركعتين بعد المغرب في بيته , وركعتين بعد العشاء في بيته , وركعتين قبل الصبح (متفق عليه
Hadith daing kan ibnu umar kiyaridaan sila sin allah laung niya : nahapal ku daing ha rasulullah salawat iban salam kaniya sin allah hangpuh rakaat sunnat : duwa rakaat ha dih pa makapag sambahayang dhuhur , iban sin duwa rakaat ubus niya , iban duwa rakaat pag-ubus sambahayang mag-rib sambahayangun niya duun ha bay iya , iban duwa rakaat pag-ubus sin sambahayang isha duun ha bay niya , iban duwa rakaat ha dih pa makapag-sambahayang subu . [ al-bukhari iban hi muslim ]
Sah kiyabaytah daisab daing ha nabiy in sunnat ratibah hangpuh tag-duwa rakaat siya .

وفي " صحيح مسلم " عن عائشة رضي الله عنها : " كان يصلي قبل الظهر أربعا في بيتي , ثم يخرج فيصلي بالناس , ثم يرجع إلى بيتي فيصلي ركعتين
Daing kan aisha kiyaridaan siya sin allah laung niya : in kaunan sin nabiy mag-samabahayang siya sunnat ha dih pa makapag-sambahayang dhuhur upat rakaat ubus ampa siya gumwah pa masjid karnah mag-imam ha mga sahabat maubus mayan in sambahayang ampa siya mag-balik pa bay sumunnat duwa rakaat [ muslim ]
Hatiniya mahinang upat rakaat sunnt ha dih pa makapagsambahayang dhuhur

In labi marayaw sambahayangun niya in sunnat ratiba yan duun ha bay ha sabda sin nabiy salawat iban salam kaniya :
قال عليه الصلاة والسلام :) اجعلوا من صلاتكم في بيوتكم , ولا تجعلوها قبورا (

Hatniya : hinanga niyu in sambahayang niyu duun ha bay niyu , sartah in bay niyu yan ayaw niya hinanga biyah sin kubur .

In maksud sin hadith diyaak kiatniyu sin nabiy sumambayang sunnat ha bay sartah ayaw natuh hinangun in bay biytah sin kubur sabab in kubur dih manjari pag-ammal ibadatan duun adpun in bay suby siya pag-ammal ibadatan pag-bassahan qur-an atawa kan pag-sambahayangan sunnat atawa kan pag-jikiran sabab labi maryaw bang ta mahinang ha bay in mga kasunnat-sunnatan .

In malaggu tuud pahalah niya duun ha katan sunnat yan sunnat sambahayang subu sabab walh kiyatinggalan sin rasul salawat iban salam kaniya sin allah minsan pa in kaunan niya ha tulakan atawa kan tutug siya ha hulah sabda sin nabiy ha hadith niya .

وقال صلى الله عليه وسلم :) ركعتا الفجر خير من الدنيا وما فيها (

Hatiniya : duwa rakaat sunnat sin sambahayang subu in pahalah niya labiy marayaw daing sin dunya ini agad na in luun niya .

In mga sunnat yan parihalaun siya bang sawpama in kaunan niya tutug ha hulah bukun siya musafir adapun bang in kaunan niya musafir in hinanngun niya sunnat amuna in sunnat sunnat sin sambahayang subu iban sambahayang witir hasupaya siya maka upi ha kakahinang sin nabiy salawat iban salam kaniya sin allah .
وقال ابن القيم رحمه الله : " وكان من هديه صلى الله عليه وسلم في سفره الاقتصار على الفرض , ولم يحفظ عنه أنه صلى سنة الصلاة قبلها ولا بعدها , إلا ما كان من الوتر وسنة الفجر "
.
Laung hi ibnul qayyim kiya ulungan siya sin allah : iban daing ha mga kakahinang sin nabiy salawat iban salam kaniya bang in kaunan niya ha tulukan in sambahayangun niya ra tuput sambahayang parduh , wayruun kiyabaytah in siya nag-sambahayang sunnat sibuh dakan kabliyatan atawa kan bahdiyatan malaingkan amura in pag-hinangun niya sunnat witir iban duwa rakat sunnat sambahayang subu .

Adapun in ayat atawa kan sura basshun niya duun ha sambahayang sunnat ha panagnaan rakaat maubus mayan siya mamassa sin suratul fatiha ampa siya mamassa suratul kafirun , ha hikaruwa maubus mayan siya mamassa sin fatihan ampa niya bassahun in suratul ihklas .
Bang sawpama kiyatinggalan niya in mga sunnat nasabbut yan duun nakan witir atawa kan sunnat subu manjari atawa kan sisyunnat kaniya mag-bayad ha sabda sin nabiy salawat iban salam kaniya sin allah

وقال صلى الله عليه وسلم : من نام عن الوتر أو نسيه , فليصله إذا أصبح أو ذكر رواه الترمذي وأبو داود

( hisiyu-hisiyu in nakatug walah siya nakasambahayang witir atawa kan kiyalupahan niya nah! bayaran niya pag-abut sin maynaat atawa kan bang niya katumtuman [ at-tirmidhi iban hi abu daud ]
In hantangan sin pag-bayad ha sambahayang witir pajukupun niya sawpama niya in hambuuk rakaat hinangun niya duwa rakaat in tu rakaat hinangun niya upat rakaat .. in hangpu tag-isa rakaat hinangun niya hangpuh tag-duwa rakaat .

لما في " الصحيح " عن عائشة رضي الله عنها : كان النبي صلى الله عليه وسلم إذا منعه من قيام الليل نوم أو وجع ; صلى من النهار ثنتي عشرة ركعة

Daing kan aisha kiyaridaan siya sin allah laung niya : in kaunan sin nabiy salawat iban salam kaniya apabila siya walah nakapag tahdjud ( witir ) sabab sin nakatug siya atawa kan masakit in uh niya , nah! bayaran niya sumambahayang siya adlaw hangpuh tag-duwa rakaat .
Taymanghu ku muslim subay tuud pag-muhut muhutan mu parihalaun in mga samabahayang sunnat yan sabab duun ha kakahinang yam aka upi kita ha kakahinang sin jungjungan Muhammad salawat iban salam kaniya sin tuhan , iban in mga sambahayang sunnat yan hipagtapal sin mga kasaan ta ha samabahayang parduh iban hipag ganap ha sambahayang parduh sartah tiranan hikasuuk ta pa ulung iban kaampunan sin tuhan .mura-murahan tawpikan kitaniyu katan pa kakahinang amuin kariridaan sin tuhan .