Sunnat mutlaqa

Sunnat mutlaqa

In hati sin sunnat mutlaqa sunnat samabahayang wayruun waktu niya , hatiniya manjari kaw sumambahayang sunnat kuhnu-kuhnu na in kabayaan mu , malaingkan na sadya bang ha waktu amuin piyanglanagan sin sarah duun in mag-sunnat .
In apdal daing ha mga sunnat mutlaqa yan amuna in kiyamul lail tahadjud

روى أهل السنن ; أن النبي صلى الله عليه وسلم سئل : أي الصلاة أفضل بعد المكتوبة ; قال : الصلاة في جوف الليل

Sabunnal tuud naasubu in nabiy salawat iban salam kaniya sin allah bang unu sambahayang apdal mapuas sin sambahayang parduh ? sabda niya : in apdal samabayang maapuas sin parduh amuna in samabahayang tungah dum . [ abu daud an-nasa’I at-tirmidhi iban hi ibnu majah ]

وقال صلى الله عليه وسلم : إن في الليل ساعة , لا يوافقها عبد مسلم , يسأل الله خيرا من أمر الدنيا والآخرة ; إلا أعطاه إياه

Sabda sin jungjungan salawat iban salam kaniya sin allah : sabunnal tuud duun ha dum yan aun waktu , bang kiyasabtanan sin hambuuk muslim nangayuh siya pa allah sin karayaw dunya akhirat malaingkan hidihil kaniya .

وقال صلى الله عليه وسلم : وعليكم بقيام الليل , فإنه دأب الصالحين قبلكم , وهو قربة إلى ربكم , ومكفرة للسيئات , ومنهاة عن الإثم " رواه الحاكم .

Sabda sin jungjungan salawat iban salam kaniya sin allah : subay kamu mag-samaabahayang dum ( tahdjud ) sabunnal tuud in siya kakahinang sin mga tau salihin ( marayaw ) nakauna daing kaniyu sartah in siya hikasuuk pa tuhan niyu , iban hika ampun sin mga dusa niyu sartah hikapapas sin dusa . [ al-hakim ]
Waktu sin pag-kimul layil ( tahadjud )
Tumagna in waktu niya puas magrib

قال الإمام أحمد رحمه الله : " قيام الليل من المغرب إلى طلوع الفجر "

Laung hi imam ahmad ( hambali ) kiyaulungan siya sin allah : in tahadjud magtagnah siya daing ha puas sin sambahayang magrib sambil pa subu .
aDapun in waktu niya apdal iban sarayaw-rayaw tungah dum 1/3 sin dum sabab ha sabda sin nabiy

روى أهل السنن ; أن النبي صلى الله عليه وسلم سئل : أي الصلاة أفضل بعد المكتوبة ; قال : الصلاة في جوف الليل

Sabunnal tuud naasubu in nabiy salawat iban salam kaniya sin allah bang unu sambahayang apdal mapuas sin sambahayang parduh ? sabda niya : in apdal samabayang maapuas sin parduh amuna in samabahayang tungah dum . [ abu daud an-nasa’I at-tirmidhi iban hi ibnu majah ]

Aturan sin pag-tahadjud

• Subay siya mag-niyat mag-tahadjud
• Bang siya maka bati sin tungah dum siyunnat kaniya in mag-siwak atawa kan mga toot brush ubus ampa niya sug-sugun in duwaa ini

" لا إله إلا الله وحده , لا شريك له , له الملك , وله الحمد , وهو على كل شيء قدير , الحمد لله , وسبحان الله , ولا إله إلا الله , والله أكبر , ولا حول ولا قوة إلا بالله "
La-ilaha illah allah wahdahu la sharika lahu , lahul mulku wa lahul hamdu , wa huwa ala kulli shay’in qadir . al-hamdulillah , subhanallah , wa la ilaha illah allah wa allahu akbar wa la hawla wa la quwwata illah billah .
Hatniya : wayruun mapatut pag-tag-ipunan malaingkan tuput in allah isa-isa niya wayruun sakutu niya , siya in tag-milik iban tuput kaniya in pupudjahan , sartah siya in makagaus ha katan unu-unu na , mag-sukur pa allah mahasutsi maahtinggi , wayruun mapatut pag-tag-ipunan malaingkan tuput siya , siya in tuhan sangat dakulah , iban wayruun kusug iban gaus malaingkan labay daing ha pag-bayah niya .

, ويقول : " الحمد لله الذي أحياني بعد ما أماتني وإليه النشور , الحمد لله الذي رد علي روحي , وعافاني في جسدي , وأذن لي بذكره " .
Alahmdulillahi alladhi ahyani bahda amatani wa ilahin nushur , Alhamdulillah alladhi radda alayya ruhi, wa afani fi jasadi wa adhina li bidhikrihi .

Hatiniya : pudji tuput pa allah sin biyatih niya aku daing ha katugan mattu ra kaniya in uuwian sin katan piyapanjarai , pudji pa allah sin biyalik niya kakuh in nyawalihan ku sartah liyappas niya in jasad ku daing ha sakit , magsukur kaniya sabab tiyugutan niya aku manuntum kaniya .

• Siyunnat kaniya ha dih pa siya makatagnah mag-tahdjud sumannat naa siya duwa rakaat hupuh-hupuh .
• In sambahayang tahadjud ha tiyap-tiyap duwa rakaat sumlam kaw .
• Apdal mag-tahadjud ha bay
• In labi marayaw bang sin mag-tahdjun nag-titindug bang sawpama wayruun udjul sin baran niya .
• Adapun bang aun ujjul sin baran niya tiranan nakalingkud siya nag-tahdjud madawht niya ra in pahalah biya sin pahalah nag-sambahayang nag-titindug
• Tammatun niya in pag-tahadjud sin sambahayang witir
• Adpun bang siya nag-tahdjud nag-lilingkud jiyari sah hangtungah da in madawaht niya pahalah pa sambahayang nag-titindug
• Bang sawpama niya walah siya nakatahdjud sin dum siyunnat kaniya mag-bayad sin adlaw ha dih pa sumud in waktu dhuhur .
Taymnghud ku muslim subay mu dihilan waktu in baran mu mag-tahadjud hasupaya kaw dih malugih sin pahalah iban karyawan diyarah sin sambahayang tahadjud .