Mga kakahinang dih manjari hinangun sin tau taga hadath

Mga kakahinang dih manjari hinangun sin tau taga hadath

Bang sawpama niya in muslim aun hadath niya dakulah dih siya manajri:

1. Kumumpit sin qur-an ha wayruun lampik sin lima niya ha parman sin allah
لقوله تعالى : لَا يَمَسُّهُ إِلَّا الْمُطَهَّرُونَ
Hatiniya : dih manjari kumupit sin qur-an malaingkan subay in kaunan niya sutsi siya daing ha hadath .
قوله : لا يمس المصحف إلا طاهر رواه النسائي وغيره متصلا .

Ha sabda sin nabiy : wayruun manjari kumumpit sin qur-an malaingkan subay in kaunan niya sutsi daing ha hadath .

Bang in kaunan sin tau aun hadath niya dih siya manjari kumumpit sin qur-an bagwayruun lampik sin lima niya atawa kan bang wayruun lampik sin qur-an amu yan in papanawa sin upat madhab ( hanafiya iban malikiya iban shafi iya iban sin hanabila )

. قال شيخ الإسلام عن منع مس المصحف لغير المتطهر : " هو مذهب الأئمة الأربعة " .

Laung hi ibn taymiya dih manjari umulin qur-an in tau bang siya bakun sutsi daing ha ahadth ( in yan papanaw sin upat madhab ) .

Adapun bang sawpama niya in qur-an halaum bag atawa kan luluunan atawa kana un lampik niya wayruun sah niya minsan niya dahun , atawa kan ulinan minsan pa in kaunan niya halaum hadath .

2. Hiyaram ha tau aun hadath asibih atawa kan dakulah in sumambahayang sibuh da in kaunan sin sambahayang sunnat atawa kan parduh ha sabda sin nabiy salwat iban salam kaniya .

, وحديث : لا يقبل الله صلاة من أحدث حتى يتوضأ

Hatiniya : dih taymaun sin allah in sambahayang sin tau aun hadath niya sahinggah siya makapag-ayil .

Dain duun ha hadith yan manunjuki sin hiyaram ha tau aun hadath niya sumambayang sibuh dakan sambahayang parduh atawa kan sunnat , damikkiyan niya dih taymaun in sambahayang niya , bang sawpama niya nakasambahayang siya kiyaluphan niya in siya halaum hadath dih da mataymah in sambahayang niya subay niya balikan , adapun bang siya simambayang kiyaiingatan niya in siya halaum hadath tiyuud niya nah! magdusa siya pa allah sartah bang aun nakurah sin muslim manjari niya dihilan siksah .

3. Hiyaram ha tau aun hadath niya asibi iban dakulah mag-tawaf ( mag-kuliling ) ha kahba sabab in mag-tawap ha kahba daing ha mga sarat niya subay in kaunan sutsi daing ha duwa hadath iban in pag-tawap biyah da siya halaum sambahayang ha sabda sin nabiy salawat iban salam kaniya sin allah
لقوله صلى الله عليه وسلم : الطواف بالبيت صلاة ; إلا أن الله أباح فيه الكلام

Hatiniya : in tawaf duun ha kahba biyah da siya sambahayang , malaingkan na sadya in allah jiyari niya in mag-bissar duun ha pagtawapan .

Adapun in hiyaram tuput ha tau aun hadath niya dakula :
In hadath dakulah biya na sin aun junub niya niyaugan siya manni , atawa kan simuuk siya pa asawa niya ubsu nagdakpak in upat siyunnatn maitung na siya hadath dakulah minsan pa walah siya niyaugan manni , babai biyulan atawa aun nipas niya .
1. Hiyaram kaniya in mag-bassa sin qur-an ha sabda sin nabiy salawat iban salam kaniya sin allah
لحديث علي رضي الله عنه : لا يحجبه ( يعني : النبي صلى الله عليه وسلم ) عن القرآن شيء , ليس الجنابة رواه الترمذي وغيره
Hadith daing kan alih kiyaridaan siya sillah laung niya : wayruun makapahgang ha nabiy salawat iban salam kaniya sin tuhn amuin ha mag-bassa sin qur-an malaingkan bang in siya halaum junub )
ولفظ الترمذي : " يقرئنا القرآن ما لم يكن جنبا "
Mamassa sila katuh sin qur-an bang in kaunan nila bukun halaum junub .
Duun ha hadith nsabbut yan manunjuki sin hiyaram ha tau aun junub niya in mag-bassa sin qur-an .
Ha tungud sin mga sila kababaihan biyulan , atawa kan aun nipas nila bang sawpama niya mabugah niya kalupahan in surah atawa kan ayat nahapal niya sabab lugayan in dugu niya ha bihayan kahalan jiyari sin kaibanan ulama biyah na kan ibnu taymiya kiya ulungan siya sin allah in mag-bassa siya sin qur-an ha dih niya kumpitan in qur-an ./ kitab mulakhas fiqhiya al-fawzan gikapan 33 .kitab at-tahara.
Damikkiyan niya wayruun daisab sah niya bang sawpama niya nakabissara in tau daing ha mga ayat sin qur-an in maksud niya bukun mag-bassa sin qur-an atawa kan jiyari daisab kaniya minsan pa in kaunan niya aun junub mag-jikr minsan pa in kaunan sin jikir niya yaun daing ha qur-an , sabab in maksud niya bukun mag-bassa sin qur-an .

2. Hiyaram ha tau aun hadath niya dakulah atawa kan biyulan in babai atawa kana un nipas niya humanti halaum sin masjid ha wayruun ayil niya ha parman sin allah mahasitsi mahatinggi .
لقوله تعالى ) يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنْتُمْ سُكَارَى حَتَّى تَعْلَمُوا مَا تَقُولُونَ وَلَا جُنُبًا إِلَّا عَابِرِي سَبِيلٍ حَتَّى تَغْتَسِلُوا (
Hatiniya : ya kamu mga amuin namamratsaya ayw kamu sumabahayang bang in kaunan niyu nahihilu sahinnga kamu makasayu iban kahatihan inhimumungan niyu iban ayaw kamu sumambahayang bang in kaunan niyu halaum junub sahingga kamu makapyguh malaingkan jiyari in lumabay halaum sin masjid in tau aun junub .
Damikkiyan niya ha sabda sin nabiy salawat iban salam kaniya sin allah
ولقوله صلى الله عليه وسلم : لا أحل المسجد لحائض ولا جنب رواه أبو داود من حديث عائشة , وصححه ابن خزيمة .

Hatinita : Walah ku jiyari ha babai biyulan iban ha tau aun junub niya amuin humantih halaum sin masjid .

Sah in hadith yan manunjuki ha mga tau wayruun ayil nila .
Malaingkan bang kaunan sin tau aun junub niya nakapag ayil siya jiyari kaniya in humantih halaum sin masjid kiyabaytah hi ata kiya ulungan siya sin allah .

لقول عطاء : رأيت رجالا من أصحاب رسول الله صلى الله عليه وسلم يجلسون في المسجد وهم مجنبون إذا توضؤوا وضوء الصلاة
Kitah ku in mga sahabat sin nabiy salawat iban salam kaniya sin allah in sila nag-lilingkud halaum sin masjid in kaunan nila halaum junub sah! In Sila aun ayil nila .
In hikmat sabab in ayil makagaan siya sin hadath dakulah .
Damikkiyan niya jiyari ha tau aun hadath niya dakulah amuin lumabay daing halaum sin masjid .