Kalabbiyan sin pag-tuntut ilmuh

Kalabbiyan sin pag-tuntut ilmuh

قال البخاري رحمه الله : ( العلم قبل القول والعمل لقوله تعالى : ( فاعلم أنه لا إله إلا الله ) سورة محمد :19 فبدأ بالعلم قبل القول والعمل

قال البخاري رحمه الله : ( العلم قبل القول والعمل لقوله تعالى : ( فاعلم أنه لا إله إلا الله ) سورة محمد :19 فبدأ بالعلم قبل القول والعمل و إنماالعلم بالتعلم )
Laung hi al-imam al-bukhari kiyaulungan siya sin allah : in ilmuh subay paunahun daing ha himumungan iban kakahinang ha parman sin allah : ( ingat kaw sabunnal tuud wayruun mapatut pag-tagipunan malaingkan tuput in allah ) dain di ha ayat ini nabangkil subay makauna in ilmuh daing ha kaul iban piil nah! sabunnal tuud madawhat in ilmuh ha tiranan sin mag-guru .
In maksud sin mga himumungan nasabbut yan sabunnal tuud in katan ammal ibadat ha agama islam ha dih pakaw makahinang kaniya wajib subay munaa siya hatihun damikkiyan niya ha dih pakaw makapag-himumungan sin sarah sin qur-an iban hadith wajib manuntut naa kaw ilmuh muna .sabab in manusiya amuin nag-aammal ibadat aun panghati niya sabunnal tuud in ammal ibadat niya ha halaum sahaya iban pamanduh sin tuhan . hangkan laung hi ibnul qayyim kiya ulungan siya sin allah

قال ابن القيم رحمه الله : العلم إمام العدل وقائد له والعمل تابع له مؤتم به فكل عمل لا يكون خلف العلم مقتديا به فهو غير نافع لصاحبه بل مضرة عليه كما قال بعض السلف : من عبد الله بغير العلم كان يفسد أكثر مما يصلح ) مفتاح دار السعادة 1:85
( in ilmuh imam adil iban nakurah niya , in ammal ibadat timutundan duun ha ilmuh iban imuurul kaniya , in katan kakahinang wayruun duun in ilmuh iban wayruun miyamagad duun ha ilmuh nah! in yan dih hikamumpaat ha tag-hinanngan kaniya sah! Makamudarat kaniya laung sin kaibanan salaf : hisiyu-hisiyu in nag-tagipun pa allah wayruun panghati niya in kauanan niya mataud in mahinang niya kangian daing ha karayawan .
Hatiniya in katan ammal ibadat amuin hinangun sin manusiya subay in tag-uhanan kaniya ilmuh daing ha allah iban rasul niya bukun daing ha pikilan niya iban hawa napsu niya .hasupaya mataymah in ammal ibadat niya , daing ha sabab yan in nabiy Muhammad salawat iban salam kaniya piayara sin allah pa katan manusiya sambil pa jin karnah hasupaya manghinduh sin ilmuh amuin piyara kaniya sin allah ha parman niya .
قال الله تعالى : ( هو الذي أرسل رسوله بالهدى ودين الحق ) سورة الصف : 9
Hatiniya : allah in nag-hinang rasul ha nabiy Muhammad sartah piyara niya kaniya in ilmuh sarah amuin hikamumpaat ha mga manusiya iban ammal Sali / marayaw .
Dain di ha ayat ini tumtumun sin kitaniyu katan in ilmuh amuin nabangkil halaum sin qur-an iban nasabbut ha hadith sin nabiy in yan wayruun dugaing mahna niya bang bukun ilmuh daing ha allah amuna in sarah niya , hangkan daing ha mga tanda alamat apabila dihilan sin tuhan in ipun niya karayawan tunyukan niya maun pa manunut ilmuh sarah niya ha sabda sin jung-jungan Muhammad salawat iban salam kaniya sin allah
. عن معاوية رضي الله عنه قال سمعت النبي صلى الله عليه وسلم يقول : ( من يرد الله به خيرا يفقهه في الدين ) رواه البخاري 71
Daing kan muawiyah kiyaridaan siya sin allah laung niya diyungug ku in nabiy salawat iban salam kaniya sin allah nag-sabda : hisiyu-hisiyu in kabayaan sin tuhan dihilan daing ha mga manusiya sin karayawan anugharahan niya sin fiqhi ( sin pangahati sarah ha agama ) . kiyariwayat hi al-bukhariy .
Hatiniya in allah mahasutsi mahatiggi apabila niya tunyukan in manusiya yan maun papagtuntutan sin ilmuh nah! sabunnal tuud nakawhat na siya salagguh-lagguh karayawan dunya akhirat , sah subay natuh kaingatan bang unu in hati sin ilmuh ( al-ilm ) sabab ha jaman ta bihaun mataud na tuud ilmuh nag-guwa hangkan maghajat kita humati bang unu tuud in pag-nganan ilmuh .
قال بعض أهل العلم: هو المعرفة وهو ضد الجهل، وقال آخرون من أهل العلم: إن العلم أوضح من أن يعرف.
Laung sin kaibanan ulama : in ilmuh siya na in lawan sin pag-ka awam / jahil , aun isab nag-iyan daing kanila : sabunnal tuud in ilmuh matampal pa daing sin bissarahun .

Sah in maksud sin ilmuh amuna in sarah sin agama islam nagampung niya in ugat sin agama daing namayan ha aqida iban sarah mabut na ammal ibadat kakahinang sin anggawtah baran .

والفقه في الدين يشمل الفقه في أصول الدين وهو يسميه بعض أهل العلم ( الفقه الأكبر ) مجموع الفتاوى (19/ 307
Hangkan laung sin kaibanan ulama : in pag-nganan fiq ha agama nagampung niya in usul / puunan sin agama amuna in pag-tawagan sin kaibanan ulama fiqhul akbar ( fiq salagguh-lagguh )
In ilmuh shar-ih / sarah amuna in pusaka sin nabiy pa mga ummat niya , sabab in siya walah niya piyusakaan in ummt niya sin altah .ha sabda niya
وقال النبي صلى الله عليه وسلم : (( إن الأنبياء لم يورثوا ديناراً ولا درهماً وإنما ورثوا العلم، فمن أخذه أخذ بحظ وافر))
Sabunnal tuud in mga kanibahan wayruun sila nag-pusakah sin dinar iban dirham ha mga ummat nila sah! Amura in piyusakah nila amuna in ilmuh , nah! hisiyu-hisiyu in nakadawhat sin ilmuh sabunnal tuud nakawa niya na in salagguh-lagguh pusakah .
Hangkan daing ha sabab yan mawpakkat katan in mga kaulamaan sabunnal tuud in pag-tuntut ilmuh daing ha mga salagguh-lagguh ammal ibadat
وقال الإمام أحمد رحمه الله : ( طلب العلم أفضل الأعمال لمن صحت نيته ) وقال أيضا ( العلم لا يعدله شيئ ) الآداب الشرعية لابن مفلح2:45.
Laung hi imam ahmad kiya-ulungan siya sin allah : ( in pag-tuntut ilmuh apdal ammal ibadat apabila marayaw in niyat niya ) laung niya pa ( in ilmuh wayruun sumibuh ha pahalah niya )
قال الزهري رحمه الله : ( ما عبد الله أفضل من العلم ) حلية الأولياء لأبي نعيم 3:365
Laung hi ima az-zuri kiya ulungan siya sin allah : ( wayruun na amuin apdal pag-tag-ipun pa allah daing sin pag-tuntut ilmuh )

وقال ابن القيم رحمه الله : ( العلم الشرعي حياة القلوب ونور البصائر وشفاء الصدور ورياض العقول...) مدارج السالكين 2:46:
Laung hi ibnul qayyim kiya-ulungan siya sin allah : ( in ilmuh shar-ih / sarah kabuhih sin mga pangatayan iban sahaya sin mga pangatud iban ubat sin pangayatan sartah surgah sin pikilan
قال الإمام أحمد رحمه الله : ( الناس إلى العلم أحوج منهم إلى الطعام والشراب لأن الرجل يحتاج إلى الطعام والشراب في اليوم مرة أو مرتين وحاحته إلى العلم بعدد أنفاسه ) مدارج السالكين 2: 470
Laung hi imam ahmad kiya ulungan siya sin allah : ( in mga manusiya in hajat nila pa ilmuh shar-ih / sarah labi in hajat nila daing ha pag-inum makan nila sabab in manusiya mag-lagi siya sin pag-kaun iban pag-inum ha tiyap-tiyap adlaw makaminsan atawa kan makaruwa , adapun in hajat niya pa ilmuh shar-ih labiy daing ha taud sin napas niya ) .
قال الإمام أبو حنيفة و مالك رحمهما الله : ( أفضل ما تطوع به العلم و تعليمه ) منهاج السنة 6:75
Laung hi imam abu hanifa iban hi imam malik kiya ulungan sila karuwa sin allah : ( in apdal kakahinang amuin in hinangun sin manusiya amuna in pagtuntut ilmuh iban sin maghinduh kaniya ) .
وطلب العلم مفضل على الجهاد في سبيل الله قال ابن عباس رضي الله عنهما : ( الغدو والرواح في تعلم العلم أفضل عند الله من الجهاد في سبيل الله عزوجل ) الفردوس بمأثور الخطاب 4:109
In pag-tuntut ilmuh paunahun siya daing ha jihad fi sabillilah ( ha dan sin allah ) laung hi ibnu abbas kiyaridaan sila sin allah ( in pag-kattu kari ha karnah manutut ilmuh apdal siya pa hadarat sin allah daing ha jihad fi sabilillah ) .

و قال الإمام أحمد رحمه الله : ( تعلم العلم وتعليمه أفضل من الجهاد وغيره ) الإنصاف للمرداوي 2:162
Laung hi imam ahmad kiya ulungan siya sin allah : ( in pag-tuntut ilmuh shar-ih / sarah iban sin pag-hinduh kaniya apdal daing ha jihad iban na sin dugaing niya .

وقال ابن القيم رحمه الله : ( لا يعدل مداد العلماء إلا دم الشهداء )
Laung hi ibnul qayyim kiya ulungan siya sin allah : ( wayruun makasibu ha ink ballpen sin mga ulama malaingkan duguh sin mga parrang sabil ( shuhada ) .

وقال النووي : ( رحمه الله : ( اتفق جماعات السلف على أن الإشتغال بالعلم أفضل من الإشتغال بنوافل الصلاة والصوم والتسبيح ونحو ذلك من أعمال البدن ) المجموع 4:60
Laung hi imam nawawiy kiya ulungan siya sin allah ( nag-mawpakkat in tumpukan daing ha mga salaf ( sahabat iban tabiin ) duun ha sabunnal tuud ha pag-ligap sin ginhawa baran karnah mag-tuntut ilmuh apdal siya daing sin ligapun sin baran daing ha pag-sambahayang sunnat , iban pag-puasa sunnat iban pag-tasbi iban na sin dugaing niya ammal ibadat kakahinang sin baran .

قال ابن العثيمين رحمه الله : ( فالعلم من أفضل الأعمال الصالحة، وهو من أفضل وأجلَ العبادات، عبادات التطوع، لأنه نوع من الجهاد في سبيل الله، فإن دين الله - عز وجل - إنما قام بأمرين :
أحدهما: العلم والبرهان.
والثاني: القتال والسنان، فلا بد من هذين الأمرين، ولا يمكن أن يقوم دين الله ويظهر إلا بهما جميعاً ، والأول منهما مقدًم على الثاني، ولهذا كان النبي صلى الله عليه وسلم لا يغيٌر على قوم حتى تبلغهم الدعوة إلى الله - عز وجل - فيكون العلم قد سبق القتال. )
Laung hi ibnu uthaymin kiya ulungan siya sin allah : ( in ilmuh shar-ih / sarah daing ha mga apdal kakahinang marayaw , iban daing ha mga salagguh-lagguh ibadat hinangun , sabab in siya daing ha mga jinisan sin jihad ha dan sin allah iban karnah niya , sabab sabunnal tuud in agama sin allah mahasutsi mahatinggi tumindug siya duun ha duwa parakalah :

Hikaisa niya : ilmuh , iban sin pag-patarrang kaniya .
Hikaruwa niya : pag-atubang iban pag-jihad , subay tuud mag-agad in duwa parakala yan , sabab dih tumindug iban lumanyut in agama sin allah malaingakn subay papag agarun in sila duwa yan.sah! in pag-tuntut ilmuh subay paunahun daing sin jihad , daing ha sabab yan in kaunan sin nabiy salawat iban salam kaniya sin allah dih niya idjulun in kawman sahingga abutan sin pag-dahwa , in kaunan sin ilmuh makauna daing ha bunuh .

Kalabbiyahan sin pag-tuntut ilmuh

Mga taymanghud ha agama islam sabunnal tuud in dunya ini pag-tanuman sin ammal ibadat natuh , sartah in dunya ini bukun ini in mattan pag-hali-halian iban mattan kasanyangan sin kitaniyu katan , sah in mattan kasanyangan yattu halaum sin surgah ,daing hasabab yan subay in tiyap-tiyap siyulagan daing katuh taniyu mag-saddiya siya sin lutuh mara niya pa adlaw akhirat , sabab in kasanyangan iban dayaw parasahan ha halaum sin surgah dih ta madawhat sin pag-hali hali sadya dih ha dunya subay da kita tuud mag-lugtuh iban magtuyuh huminang sin lutuh ammal ibadat hasupaya madawhat ta in kasanyangan ha adlaw akhirat laung hi fudail ibn iyad kiya ulungan siya sin allah .

اعمل لنفسك قبل الموت مجتهدا فإنما الربح والخسران في العمل

Pag-tuyuh kaw Pag-ammal para ha ginhawa baran mu ha dih pakaw dagpakan sin kamatay, sabunnal tuud in paruntungan iban sin kalugian sabab sin kakahinang

Daing ha sabab yan daing ha mga salagguh lagguh kakahinang ammal ibadat amuin mara mu lutuh pa hadarat sin tuhan iban tiranan hikasud mu surga amuna in pag-tuntut ilmuh karnah humati sin agama islam

عن أنس رضي الله عنه قال : قال رسول الله صلى الله عليه وسلم : ( من خرج في طلب العلم فهو في سبيل الله حتى يرجع ) رواه الترمذي وحسنه برقم 2747
Daing kan anas kiyaridaan siya sin allah laung niya : nagsabda in rasul salawat iban salam kaniya sin allah : hisiyu-hisiyu in gimuwah daing ha bay niya atawa kan dang ha hulah niya karnah manunutut ilmuh nah! in siya yan hadan sin allah sahinngah siya makabalik .
عن أبي الدرداء رضي الله عنه قال : قال النبي صلى الله عليه وسلم : ( وإن الملائكة لتضع أجنحتها رضى لطالب العلم بما يصنع )
Daing kan abu ad-dardah kiyaridaan siya sin allah laung niya : sabda sin nabiy salawat iban salam kaniya sin tuhan : sabunnal tuud in mga malaikat hitaktak niya in pik-pik niya , karnah sin ridah niya ha tau nanuntut ilmuh iban sabab sin kakahinang niya .

وقال صلى الله عليه وسلم : ( ما اجتمع قوم في بيت من بيوت الله يتلون كتاب الله ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده ) رواه مسلم برقم 2699 من حديث أبي هريرة رضي الله عنه .
Sabda sin nabiy salawat iban salam kaniya sin allah : bang in mga manusiya natipun duun ha masjid sin allah , karnah mag-bassa sin qur-an niya sartah mag-hinduh hindui sila ha antara nila malaingkan tumurun kanila in kahanungan sin pangatayan , iban lungkupan sila sin rahmat ulung daing ha tuhan , iban pag-libutan sila sin mga malaikat , sartah bantugun sila sin allah ha mga malaikat niya .
عن أبي هريرة رضي الله عنه قال : قال عليه الصلاة والسلام : ( ومن سلك طريقا يلتمس فيه علما سهل الله له به طريقا إلى الجنة ) رواه مسلم برقم 2699
Daing kan abu hurayra kiyaridaan siya sin allah laung niya : sabda sin nabiy salawat iban salam kaniya sin allah : hisiyu-hisiyu in gimuwah daing ha bay niya karnah manuntut siya ilmuh ha dan sin allah , paluhayun kaniya sin tuhan in dan niya palaum sin surgah .

قال أبو هريرة رضي الله عنه : ( لأن أجلس ساعة فأفقه أحب إلي من أحيي ليلة إلى الغداة )
Laung hi abu hurayra kiyaridaan siya sin allah : in limingkud aku hangka sasaat karnah manunutut sin agama/ ilmu mas labi marayaw kakuh daing nag-tahadjud aku sin dum pama adlaw .
قال ابن القيم رحمه الله : ( وإنما جعل طلب العلم من سبيل الله لأن به قوام الإسلام ..) مفتاح دار السعادة 1:70
Laung hi ibnul qayyim kiya ulungan siya sin allah : iban hangkan hinang in pag-tuntut ilmuh daing ha mga dan sin allah ha sabab niya tumindug in islam .

Hangkan mga taymnghud ha agam islam subay kitaniyu mag-muhut muhut manuntut ilmuh sabab dih ta madawhat in kasampurnaan sin pag-ibadat bang wayruun pangahati taniyu sin agama , damikkiyan niya dih tumindug in agama bang wayruun duun in ilmuh , iban in pag-tuntut ilmuh daing ha malagguh tiranan hikasud natuh surgah .

Kalabbiyahan sin mga ulama

Muna-muna subay natuh kaingatan bang hisiyu in pag-ngan alim atawa kan ulama . bukun in katan amuin maingat mag-bissara sin agama kanganan na siya alim
In alim bang siya mataud na in pag-tawag kaniya ulama ., adapun in hati sin alim siya in maingat ha sarah iban nakahati sin agama kiyaiingatn niya in usul sin agama / puunan sin agama iban sin puruh niya /sanga sin agama
Hatiniya wayruun daing ha mga ilmuh malaingkan kiyaiingatan niya , sartah yaa anggawtaan sin baran niya in ilmuh niya .
Adapun in kalabbiyahan sin alim:
عن أبي الدرداء رضي الله عنه أن النبي صلى الله عليه وسلم قال : ( وإن العالم ليستغفر له من في السماوات ومن في الأرض والحيتان في جوف الماء ) رواه أصحاب السنن صححه الألباني في ( الترغيب والترهيب )
Daing kana abud dardah kiyaridaan siya sin allah sabunnal tuud in nabiy salawat iban salam kaniya sabda niya : ( sabunnal tuud in alim mangyuh pa allah kaampunan para kaniya in katan piyapanjari ha pitung lapis langit iban lupah sambil in istah halaum dagat ) .

و جاء في حديث أبي أمامة رضي الله عنه قال : ذكر لرسول الله صلى الله عليه وسلم رجلان أحدهما عابد والآخر عالم فقال رسول الله صلى الله عليه وسلم : ( فضل العالم على العابد كفضلي على أدناكم ) ثم قال رسول الله صلى الله عليه وسلم ( إن الله وملائكته وأهل السماوات والأرضين حتى النملة في جحرها وحتى الحوت ليصلون على معلم الناس الخير ) رواه الترمذي صححه الألباني
Kiyabaytah ha hadith hi abu umama kiyaridaan siya sin allah laung niya : nasabbut ha rasul sin allah salawat iban salam kaniya in duwa usug in hambuuk daing kanila abid/ bal-ibadat sah wayruun panghati niya in hambuuk alim taga panghati ha agama nah sabda sin rasulullah salawat iban salam kaniya : ( in piyagbiddaan sin alim iban sin abid biyah sin piyagbiddaan ku iban sin manusiya mababa inpag-katau niya daing kaniyu ) ubus nag-sabda pa siya : ( sabunnal tuud in allah iban sin mga malaikat niya iban na sin mga piyapanjari niya ha pitung lapis langit iban lupah sambil in sanam ha laum lungag niya iban sin istah ha dagat sumalawat ha alim manghinduh ilmuh ha mga manusiya )
In salawat sin allah pa ipun niya : amuna in sabbutun niya in ipun niya ha mga malaikat niya
Adapun in salawat sin mga malaikat pa manusiya amuna in pangayuan nila duwa iban kaampunan pa allah
Amuyan in kalabbiyahan dihil sin allah ha mga sila alim makahati sin sarah, dain di pa hadunya yangkat na sin tuhan in kalabbiyahan nila iban sin darajat nila , daing ha sabab nila kiyahidayatan in mga manusiya , sila in nag-patarrang sarah sin tuhan iban sin rasul niya biyah sila kahantang bulan damlag kasinagan in katan manusiya sin sahayan niya ha hadith hi abud dardah kiyaridaan siya sin allah sabda sin nabiy salawat iban salama kaniya :

حديث أبي الدرداء رضي الله عنه وفيه قال النبي صلى الله عليه وسلم : ( إن فضل العالم كفضل القمر ليلة البدر على سائر الكواكب )
Sabunnal tuud in alim biyah siya hantang bulan ha dum damlag duun ha katan bituun .


قال الله تعالى ( يرفع الله الذين آمنوا منكم والذين أوتوا العلم درجات ) سورة المجادلة : 11 قال ابن رجب : ( يعني على الذين آمنوا ولم يؤتو العلم ) أي يرفع الله الذين آمنوا وأوتوا العلم على الذين آمنوا ولم يؤتوا العلم درجات .
Laung hi ibnu rajab ha tafsir sin ayat ini : angkatun sin allah in darajat sin mga sila manusiya bar-iman daing kaniyu aun ilmuh pangahti nila , daing sin manusiya bar-iman sah wayruun pangahti nila .
Dain duun ha ayat nabangkil yan sabunnal tuud in darajat sin muslim angkatun iban taasun siya sin allah apabila aun ilmuh niya , Dammikkiyan niya saksi in tuhan sabunnal tuud in malagguh pag-mabugah kaniya daing ha mga ipun niya amuna in mga sila taga pangahti ha agama islam ha parman sin tuhan

قال الله تعالى : ( إنما يخشى الله من عباده العلماء ) سورة فاطر : 28
Hatniya : ( sabunnal tuud amura in aun mattan malagguh kabugah pa allah daing ha mga ipun niya amuna in mga sila ulama .)
Dain duun ha ayat yan saksi in allah mahasutsi mahatinggi sabunnal tuud in mga sila kaulaaman sila in mattan malagguh kabugah pa tuhan , sabab sila in mattan makahati sin sarah , iban aturan sin pag-ibadat ha palihalan yan dih tuud mag-sibu salama-lama in muslim taga ilmuh iban sin muslim wayruun ilmuh niya in piyag biddaan nila biyah ra sin tau buta dih makakitah iban sin tau makakitah ha parman sin allah

وقال جل ذكره : ( هل يستوي الذين يعلمون والذين لايعلمون )
Hatiniya : unu mag-sibuh ka in mga sila amuin makahati sin ilmuh / shar-ih iban sin mga sila dih makahati ?
In jawab niya tantu tuud dih mag-sibuh salam-lama in tau taga panghati ha agama islam iban sin tau wayruun panghati niya .

وقال تعالى : ( وتلك الأمثال نضربها للناس وما يعقلها إلا العالمون ) سورة الأنكبوت : 43 عن عمر بن مرة قال : ( مررت بآية في كتاب الله لا أعرفها إلا أحزنني لأني سمعت الله يقول و قرأ هذه الآية وكان بعض السلف إذا قرأ مثلا من القرآن لم يفهمه يشتد بكاؤه ويقول : لست من العالمين : تفسير ابن أبي حاتم
hangkan laung hi umar ibn murrah : ( nabassa ku in ayat ha laum qur-an dih ku kaingatan in mahna niya nasusa tuud aku sabab in allah nag-parman siya ( wayruun makahati sin ayat malaingkan tuput sila mga kaulmaan ) aun pa daing ha mga salaf apabila siya makabassa halaum sin qur-an ayat dih niya kahatihan iban kapahaman mag-dangul-ngul siya tumangis iban sin pag-iyan niya bukun akun daing ha mga tau makahati .
in yan manunjuki kalabbiyahan sin mga sila kaulamaan sabab aun mga parakalah sin agama wayruun maka hati kaniya malaingkan tuput sila hangkan musibah dakulah apabila in mga sila kalumaan mapatay na sabab sabunnal tuud malawah na in agama iban sin dunya daing ha sabab yan nagbanda katuh taniyu in jung-jungan Muhammad .
إذا ذهب العلم فإن الدين والدنيا يذهبان بذهابه عن ابن مسعود رضي الله عنه قال قال النبي صلى الله عليه وسلم : ( إن من أشراط الساعة أن يرفع العلم )
Daing kan Abdullah ibn mas-uod kiyaridaan siya sin allah laung niya : sabda sin nabiy salawat iban salam kaniya sin allah : ( daing ha mga alamat sin kiyamat malawa na in ilmuh ) .

عن عبد الله بن عمرو رضي الله عنه قال أن رسول الله صلى الله عليه وسلم قال : ( إن الله لا يقبض العلم انتزاعا ينتزعه من الناس ولكن يقبض العلم بقبض العلماء حتى إذا لم يبق عالما اتخذ الناس رءوسا جهالا فسئلوا فأفتو بغير العلم فضلوا وأضلوا ) رواه البخاري 100
Daing kan Abdullah ibn amr kiyaridaan siya sin allah laung niya sabunnal tuud in rasul salawat iban salam kaniya sin allah : ( sabunnal tuud in allah dih niya kawaun mag-minsan in ilmuh daing ha mga manusiya , sah! Kawaun niya in ilmuh ha tiranan pag-patay ha mga kaulmaan , sahinggah wayruun na makapin alim, nah! in mga manusiya in hinangun nila na pangaruhan sin pag-agama tau jahil/ wayruun panghati ha agama islam , nah! pangaruhan nila in tau wayruun pangahati sin pag-ama nila nah! unu mag-pituwa na kanila ha wayruun panghati niya , nalaung na sila manglaung pa papagkahi nila ) .
Dain duun ha hadith yan daing ha mga alamat sin kiyamat bang mag-kamatay na in mga kaulamaan sartah in tag-uhanan ha agama islam biyah na sin pag-pituwa wayruun panghati niya in yan manunjuki sin alamat na sin kiyamat .

عن جعفر محمد بن علي أنه قال : ( والله ! لموت عالم أحب إلى إبليس من موت سبعين عابدا ) رواه البيهقي في شعب الإيمان 1714رقم
Daing kan jaafar ibn Muhammad ibn alih kiyaulungan siya sin allah laung niya : ( waallahi ! in hambbuk alim matay mas marayaw pa iblis daing sin patay kapituwan abid )

Mga taymanghud ha agama islam daing ha sabab yan subay in katan parakalah natuh tungud sin pag-agama hiyanglah natuh pa mga kaulmaan sabab sila in makahululay bang parakalah sin pag-agama , subay natuh sila hibutang ha bubutangan nila , sabab sila in gantih sin mga kanabi-nabihan iban karsul-rasulan ha pag-pasaplag sin agama islam .
Duun ha palihalan yan biyah na sin sambat bukun katan amuin nagbibissara sin agama amuin maingat na si ha agama islam atawa kan alim na in pag-tawag kaniya , hangkan kitaun natuh bang hisiyu in pag-guruhan natuh iban pangawaan natuh sin ilmuh , sabab in ilmuh yan agama sin allah nah! subay ta piniun bang hisiyu in pangawaan ta sin ilmu .

والعلماء هم الأمناء على دين الله فواجب على كل مكلف أخذ الدين عن أهله كما قال بعض السلف: إن هذا العلم دين فانظروا عمن تأخذون دينكم"
Iban sabunnal tuud in mga ulama sila in kiyapangandulan sin pag-agama, hangkan wajib in katan manusiya kumawah kanila sin ilmuh iban dumungug kanila laung sin mga kaibanan salaf ( sabunnal tuud in ilmuh yan agama nah! kitaa niyu bang hisiyu in pangawaan niyu sin pag-agama niyu ) .

Hangkan kitaun ta in pag-gurahan iban pangawaan ta sin ilmu bang nag-dara da siya aqida marayaw biyah sin aqida sin rasulullah iban sin mga sahabat niya mabut na pa mga tabiin amuin miyurul imupi ha kakahinang nila
Sabab in pag-agama bukun pikil pikilan sadya damikkiyan niya in hipag-paham iban pagtapsir ta sin qur-an iban hadiht sin nabiy , bang kita mabayah makapaham sin qur-an iban hadith subay labay daing ha mga ulama pamaham nila , sartah in pamaham nila yan labay daing ha hadith sin nabiy salawat iban salam kaniya iban labay daing ha mga pamaham sin mga sahabat iban sin mg salaf , hasupaya madawhat natuh in mattan ilmuh amuin piyasampay katuh taniyu sin nabiy Muhammad salawat iban salam kaniya sin allah .