About Me

Purpose of MOWA Blogs: “Let there arise out of you a group of people inviting to all that is good (Islam), enjoining Al-Ma’ruf (i.e. Islamic Monotheism and all that Islam orders one to do) and forbidding Al-Munkar (polytheism and disbelief and all that Islam has forbidden). And it is they who are the successful.” [Quran 3:104] To provide the members and non-members alike the values and benefits of the knowledge of Islam thru worthful shared on-line journal where people can read and eventually share it to others.

Monday, May 23, 2011

Manga palihalan sin kibir/ takabbur

Pangadjian ha palihalan sin kibir/ takabbur

In pag-takabbur piyanglangan sin tuhan sabab in pag-takabbur pangaddatan mangih .ha parman sin allah :

وقال تعالى: { ولا تمش في الأرض مرحا إنك لن تخرق الأرض ولن تبلغ الجبال طولا }
Hatiniya : iban ayaw ka mag-panaw duun ha babaw sin gumi karnah magtikaran , sabunnal tuud minsan pa biyaddin in pag-tikad mu dih dakaw makabuslutsin lubah , iban dih mura abutan in but sin ladjang mu .
.
وقال تعالى )إن الله لا يحب كل مختال فخور (
Hatiniya : sabunnal tuud in allah dih makasi malasa hakatan tau matakabbur, duun naka takabbur ha himumungan iban kakahinang .

In kibir : in mahna sin kibir amuna sulakun mu in kasabunnal iban dih kaw tumaymah kaniya , sartah mababah-mabah kaw ha pag-kahi mu manusiya . ha sabda sin nabiy salallahu alayahi wassalam

) الكبر بطر الحق وغمط الناس فبطر الحق (
In kibir/takabbur amuna in dih in manusiya tumaymah sin kasabunnalan , sartah mag-pangbabah-babah siya ha pagkahi niya mamnusiya .
Duun ha hadith yan matammpal sin in pag-takabbur duwangkajinis
1. Takabbur duun ha kasabunnalan : hatiniya dih siya tumayamah sin kasabunnalan ,in alamat sin tau takabbur minsan pa siya baytaan in yan dalil daing ha qur-an iban daing ha hadith sin nabiy masi-masi namayan siya dih tumaymah , sartah sulakun niya in kasabunnaln hibaytah kaniya ,in pangatud niya ha baran niya siya na in maingat iban apdal .karnah sin takabbur niya .
2. Takabbur duun ha pag-kahi niya manusiya , biyah na sin pangatud niya ha baran niya sin na labi marayaw sartah mag-pangdustah siya ha kaibanan manusiya .
وعن عبد الله بن مسعود رضي الله عنه، عن النبي صلى الله عليه وسلم قال: لا يدخل الجنة من كان في قلبه مثقال ذرة من كبر
Daing kan Abdullah ibn mas’uod kiyaridaan siya sin allah daing ha nabiy salawat ivab salam kaniya sin allah : sabda sin nabiy ( dih makasud palaum surgah hisiyu-hisiyu in kaunan niya nag-dara halaum pangatayan niya takabbur minsan dakuman biyah laggu-lagguhhanglup .

Unu in hukuman sin pag-takabbur ?
Bang in pagtakabbur niya duun ha sarah sin allah dih siya tumaymah sin kasabunnal sartah dih siya tumunay sin ibadat amuin piyangdaakan kaniya sin allah , sartah nag-masukkal siya iban nag-mahukaw sin pangatayan niya in hukuman niya kapir salama-siya halaum narkah bang siya yabutan kamatay wayruun siya nakapgtawbat .
Biyah na sin pag-takabbur sin iblis lahnatullahi alayhi iban pag-takabbur hi fir-aun iban hi abu jahal iban na manusiyah biyah kanila .
Sabab in mga manusiya yan dimatung na maun kanila in kasabunnalan baytah sin tuhan , iban baytah sin nabiy sah wayruun nila tiyamah , hangakn dain dih pa ha dunya piyanytah na kanila sin tuhan in siksa kanila , hi iblis hangkan siya liyahnat sin tuhan sabab nag-takabbur siya walah siya simujud , damikkiyan niya hi fir-aun liyuhmus siya sin tuhan halaum dagat sabab sin takabbur niya wayruun siya timaymah sin kasabunnalan ,in tandah niya nag-ingat ingat siya ha ginhawa baran niya sartah nag-gulal siya tuhan pa abran niya .

Ha jaman ta ini way manus tau takabbur , kiyapusakaan hi fir-aun iban hi iblis iban hi abu jahal maytah ? sabab in kamatauran daing ha mga manusiya bihaun baytaan mu bang unu in baytah sin allah ha qur-an niya mahamulliya , iban baytaan mu daing ha hadith sin nabiy dih da tumaymah , paunahun nila pa in akkal iban pikilan nila mabut na pa hawa napsu nila daing ha baytah sin allah iban rasul niya , makabugah tuud .iban makasusa nah! tumtuamun ta hangkan hi iblis iban pir-aun liyahnat sin tuhan sabab sin pag-takabbur nila ha sarah iban daakn sin tuhan mahasutsi mahatinggi .

Bang sawpaniya in pag-takkbur niya duun ha mga ioun sin tuhan sartah in siya nanaymai daisa ha piyangdaakan kaniya sin allah iban rasul niya sah! Amura kuman matakbbur siya ha pag-kahi niya manusiya nah! in bihayan manusiya siksaun da siya sin allah ha laum narkah sabab sin pag-takabbur niya .
Adapun in pag-takabbur tumubuh siya duun ha tau dayahan iban miskinan hang nag-banda tuud katuh taniyu in jungjungan sallallahu alayhi wassallam ha hadith niya .

قال رسول الله صلى الله عليه وسلم: ثلاثة لا يكلمهم الله يوم القيامة ولا يزكيهم ولا ينظر إليهم ولهذا عذاب أليم: شيخ زان وملك
كذاب وعائل مستكبر رواه مسلم .
Hatiniya : tu jinisan manusiya dih na sila dahun sin allah mag-bissara ha adalaw kiyamat , iban dih na sila sutsihun sin tuhan daing ha dusa nila , iban dih na sila aturun sin allah sartah tiyatagamahan na sila sin siksah maul-ul :
Hisiyu in mga manusiya yan ?
1. Tau maas mag-jijina ( hatiniya malaas na siya sah magjina pa siya )
2. Nakurah putingan
3. Iban sin tau miskinan sah! Abbuhan matakabbur ( miskinan na siya sah! Matakabbur pa .

Mura murahan makakawah kitaniyu pamintangan iban pangadjian saltah bang mayan kitaniyu lappasan sin allah daing ha mga manusiya nag-sispat sin takabbur .

0 comments:

Post a Comment