Tao Magmamahsiyat

In mahsiyat/ dusa daing ha tiranan kalupahan sin manusiya in ginhawa baran niya
Daing ha siksah hi dihil sin allah ha tau nagmamahsiyat kalupahan niya in hak sin baran niya , nah bang kalupahan niya na in hak sin baran niya tartantu luppasun niya in ginhawa niya iban binsanaun niya na .
Pangasubu biyaddin in hantang sin Pag-lupa sin ipun ha ginhawa baran niya ? iban bang niya kalupahan in hak sin ginhawa niya unu in hipagpatumtum niya ?
In jawab parman sin allahu taala :
قال الله : ( ولاتكونوا كالذين نسوا الله فانساهم أنفسهم أولئك هم الفاسقون ) الحشر : 19
Hatiniya :
Ayaw niyu pauana in ginhawa baran niyabiya sin mga sila manusiya kiyalupahan nila in allah walah nila tiyunay in hak sin tuhan duun kanila nah! liyupa nila na sambil in ginhawa baran nila sila na yattu in mga manusiya pasik / tau namahsiyat pa tuhan .
Dain di ha ayat ini hatatkala mayan kiyalupahan nila in nag-papanjari kanila iban liyupa nila na sambil in ginhawa nila siksasila sin allah sin duwa siksa :
1. Sabunnal tuud liyupa na siya sin allah / hisiu pa in makatumtum kaymu bang in nag-papanjari kaymu liyupa nakw .
2. Sabunnal tuud piyanglupahan na kaniya in ginhawa baran niya . nah! bang in hambuuk ipun liyupa niya na in hak sin ginhawa niya tantu dih niya na mahinang in mga ibadat tiranan hika sanyang niya dain ha dunya dakpak pa adlaw akhirat , iban daing ha mga hantang sin kiyalupahan na sin ipun in ginhawa baran niya dih niya na pag-upiksaun in kaiban sin baran niya iban sin mga salla niya .iban dih niya na barmulahun in sakit sin pangatayan niya amuin mahinang tiranan hikasiksah kaniya , iban dih niya na pagkananaman in sakit sin pangatayan niya iban daluhakah sin kakahinang niya . hangkan wayruun na salagguh laggu sakit iban musibah daing sin kugdanan in hambuuk ipun sin sakit pangatayan maytah ?
Sabab bang in pangatayan nagkangih kimangih in katan anggawtah baran niya iban bang kimangih in pangatayan niya tartantu dih niya na mapinig in mangih iban marayaw in pangatud niya sin kangian marayaw in in pangatud niya sin marayaw mangih iban in pangatud niya sin kalaungan kasabunnalan iban in kasabunnalan in ha pangatud niya kangian ha parman sin allah :
قال الله : ( فبما نقضهم ميثقهم لعنهم و جعلنا قلوبهم قاسية ) المائدة : 13
Hatiniya : hatatkala mayan walah nila tiyunay in janjih nila iban sin allah /parjian subay nila sumbahun iban pag-tagipunan in allah nah! liyahnat namuh sila sartah hinang namuh in pangatayan nila matugas / dih na makapanig sin kasabunnalan ,
Hangkan daran mag-duwa in nabiy sin ( ya mukallibal qulub thabbit qalbiy ala dinika )
Ya allah takmilik sin jantung patattapa in in pangatayan ku duun ha pag-taat kaymu .