Hukuman sin mag-ayil aun medjas

Hukuman sin mag-ayil aun medjas
Pangadjian:

Hukuman sin mashu ala khufain dana in medjas.
In hati sin mashu ala khuffain bang kaw nag-ayil sa'bu aun medjas mu di' muna siya hubuun sa' palabayan muna na sadya siya sin tubig sapuhun. In hukuman niya jiyari siya kiyabaya' ha halaum Qur'an mahamulliya iban kiyabayta' sin Nabi (salawat iban salam) kaniya sin "ALLAH" sarta' piyagmawpakkatan sin katan ulama' ahlu sunna wal-jama'a.
Sarat sin mashu ala khuffain;
1.) Subay in kaunan sin tau sutsi daing ha hadth asibi hatiniya bang aun hadath niya mallaggu' (akbar) di' manjari mag-mashu subay niya hubuan in medjas niya.
2.) Subay in kaunan sin medjas suhlugun sutsi siya daing ha mga najis
3.) Subay in kaunan sin medjas bukun daing ha haram biya' na sin medjas daing ha sutla(silk) atawa kan subay in kaunan sin medjas wayruun sap tau atawa kan binatang .
4.) Subay in kaunan niya ha waktu niya siyulug halaum ayil siya .
5.) Subay In kaunan sin mashu duun ha waktu niya amuin tiyutat sin sarah
6.) Subay in kaunan sin medjas in katabunan niya limalabai daing ha tikud-tikud .

Ha tungud sin sipat sin medjas subay in kaunan sin medjas;
1.) Di' maglurus-lurus pa baba' sin tikud tikud niya.
2.) Subay siya marakmul amuin di' kakaitaan in pais sin siki niya .

In lugay jiyari sin sara' in mashu lal khuffai/ iban medjas ha tutug ha hula' hangka rum iban hangka adlaw hatniya kauhaan tag upat kajam(24 hours).

In hantang niya :
Nahinang muna in katan sarat sin pag-mushu yan sawpama niya nag-ayil kaw duun ha bay mu pag-ubus simuhlug nakaw sin medjas mu pag-abut sin sambahayang dhuhur wala' nabatalin ayil mu, na!, simambahayang nakaw dhuhur pag-abut sin sambahang asar naba'tal na in ayil mu. Na, duun na tumagna' in waktu sin pag-mashu ha medjas mu. Hatniya timagna kaw duun ha waktu asar maubus isab duun da ha waktu asar sin adlaw hambuuk. Hatiniya kauhaan tag-upat kajam(24hours) siya in lugay sin pag-mashu mu maubus mayan in kauhaan tag-upat kajam(24hours) subay mu na hugasan in siki mu.

Damikkiyan niya ha tau nagtutlak-tulak(musafir) bihayan da in hantang niya iban sin pagtagna' niya. Sa' in tau nagtutlak-tulak(musafir) tu(3) adlaw iban tuy(3) rum in jiyari kaniya sin sara' mag-mashu .Hatiniya kapituwan tagduwa kajam(72hours) in lugay niya .

In hantang sin pag-sapu duun ha maedjas:
Kumawa' siya tubig tiyu'-tiyu' ha lima niya ubus ampa niya sapuhun in medjas niya mag-tagna' daing ha unahan ha babaw sin siki niya maun pa hulihan . Hatiniya in sapuhun niya bukun baba' sin siki niya.