Kangian sin Pag Zina

Kangian sin Pag Zina

Kangian sin pag-zina daing ha mga salagguh-lagguh daluhakah.
In pag-zina daing ha mga salagguh-laggu dusa iban salagguh-lagguh kakahinang dalukah pa allah mahasutsi mahatinggi , sabab sulang siya ha mga piyangdaakan sin sarah maytah siya nakasulang ha sarah ?
Hangkan siya nakasulang ha sarah sin allah iban sin rasul niya sabab piyangdaakan katuh taniyu sin allah mag-parihalah sin kamaruhan iban mag-parihalah sin panubuh iban piyangdaakan katuh taniyu mag-parihalah sin awrat nah! bang in manusiya nakazina tantuh nag-kangih na in kamurahan niya iban kamurahan sin mawmaas niya mabut na pa mga taymanghud niya iban sin mga lasiyah niya , iban in pag-zina daing ha mga salagguh-lagguh tiranan maaun in pag-kaluh-kiyaluhi iban pag-banta biyantahi ha antara sin mga manusiyah , daing ha sabab yan papag-abay sin allah ha qur-an niya iban sin rasul niya ha hadith in dusa sin mamatay tau iban sin dusa zina daing ha mga salagguh-lagguh dusa iban daluhakah hangkan laung hi al-imamu ahmad kiya ulungan siya sin allah .

قال الإمام أحمد رحمه الله : ( لا أعلم بعد قتل النفس شيئا أعظم من الزنى ) الداء والدواء لابن القيم ص فصل ( مفسدة الزنى .......)
Laung niya : wayruun na kaingatan salaggu-lagguh dusa pag-ubus sin mamatay tau daing sin dusa zina .
Sartah tiyantuh tuud sin allah in zina haram ha parman niya :
قال الله تعالى : ( والذين لا يدعون مع الله إلها آخر ولايقتلون النفس التي حرم الله إلا بالحق ولا يزنون ومن يفعل ذلك يلق أثاما يضاعف له العذاب يوم القيامة ويخلد فيه مهانا إلا من تاب ) الفرقان : 67
Hatiniya :
Iban in sipat sin mga sila bar-iman amuin dih sila magsakatu ha pag-ibadat nila pa allah iban dih sila mamatay tau amuin hiyaram sin allah malaingkan hakapatutan iban dih sila mangzina , nah! hisiu-hisiu in magsakatu pa allah iban namatay tau bukun ha kapatutan sartah nangzina siya nag-dusa siya pa allah lipatun kaniya sin tuhan in siksah dain di ha dunya sambil pa adalw kiyamat sartah pasurun siya sin allah narkah iban salama-lama na siya duun ha laum niya , malaingkan bang siya nagtawbat ampunun kaniya sin tuhan in mga dusa nahinang niya .
Hangkan kiyajiban in tiyap-tiyap manusiya labi awla na tuud in mga muslim mag-prihala sin awrat nila iban kamaruhan nila sabab sabunnal tuud in jung-jungan Muhammad salwat iban salam kaniya nag-sabda
قال رسول الله صلى الله عليه وسلم : ( أكثر ما يدخل الناس النار الفم والفرج )
) kamatauran dusa hikasud sin manuisya pa narkah amuna in simud iban awrat ) mayta ?
Sabab in dila iban sin simud siya na daran pag-usalun sin manusiya ha dum iban adlaw nah! bang niya dih parihalaun in simud niya daing ha mga bissar tumbi iban limut tantuh na sadya in uwian niya narkah piyakalayuh sin tuhan hangkan sabda sin nabiy salawat iban salam kaniya .
) من كان يئمن بالله و اليوم الآخر فليقل خيرا أو ليصمت )
Hatiniya : ( hisiu-hisiu in kaunan niya namaratsaya pa allah iban pa adlaw akhirat nah! mamung siya sin karayawan nah! bang wayruun karayawan hikabissara niya marayaw pa sin himundaung na sadya siya )
Damikkiyan niya in awrat subay parihalaun sin tiyap-tiyap usug iban babai daing ha mga hiyaram sin allah iban sin rasul niya hangkan bukun aib ha manusiya in siya baisan atawa kan makusug in sahawat/ napsuh sah in salaggu-lagguh aib iban kasipugan bang hibutang niya in bais iban napsu niya ha bukun bubutangan niya .
Bang in manusiya usug naka atawa kan babai naka zina siya tantuh piyasud niya in kasipugan iban kahinaan duun ha mawmaas niya mabut na pa mga kampong niya , ha tiranan niya malawah in mag-martabbat sin mga manuisya ha maas niya , way manus ha zaman natuh ini mga manusiya mag-zina limanyut na tuud duun ha hulah natuh in tandah niya timaud na in pitus pag-bugitun iban mga piyagburus pak-pakun hibugit na sadya duun karandanan atawa kan duun ha bausrahan , bang mayan kitaniya parihalaun sin tuhan dana in mga taymnghud natuh muslim ha katan alam .hangkan sa ayaw kitaniyu mainu-inu bang mayta in hulah natuh nakalandu na tuud in sigpit sin kabuhianan sabab yaun na katan in mga dusa amauin tiranan hikapahgang sin ridjikih nasabbut hi ibn qayyim ha mahna sin bissar niya :
( bang in kawman yan limanyut na duun in pag-shirik iban pag-ganda ribah iban pag-zina iban limayut duun ha antara nila in pag-music iban pagdang sin mga music iban na sin uusalun ha pag-music tantuh tandasun sila sin allah duun ha kabuhianan nila sigpitun na sila ha pag-usaha iban in mag-nakurah kanila tau anyaya )
Laung hi ibnu mas-uod kiyaridaan siya sin allah :
قال بن مسعود رضي الله عنه : ( ما ظهر الربا و الزنا في قرية إلا أذن الله بهلاكها ) الداء والدواء لابن القيم
) bang limanyut na in pag-ganda riba iban pag-zina duun ha kawman mag-ijin na allah ha malaikat niya sin siksaun na sila )
Bang in mga dusa nasabbut yan wayruun na magmahi lumang kaniya sartah makagaus kitaniyu lamang tartantu na sadya lahnatun na kitaniyu sin allah iban sikasaun na kitaniyu di ha dunya biyah sin kalahnat niya iban kiyasiksah niya ha mga banu israil piyakalayuh sin allah .
Hambuuk kissa amuin mahinang pamintangan natuh ha palihalan sin pag-zina kissa hi nabi lut alayhis salam nabangkil sin allah ha laum qur-an niya mahamulliya unu in sabab maytah in mga manusiya ha kawman niya siksa sila sin tuhan iban diyaub in kawman nila nah! in salaggu laggu dusa nahinang nila nagshirik sila pa allah iban sabab sin limanyut in pag-zina ha anatara nila in usug iban pag-kahi usug mag-jubul tabia kaniyu damikkiyan niya in babai nah! duun mayan limanyut na in pag-zina ha anatara sin mga manusiya ha kawman niya dih na sila magkahagad langun hi nabiy lut nah! diyaub sin allah in kawman nila iban liyahnat sila sin allah di ha dunya dakpak pa adlaw kiyamat samabil pa dalw yan in kawman nila dih hikasipat bang biyaddiin in dagbus niya .
In kissa nila yaun malagguh tuud pamintangan iban pangadjian sin ummat huling jaman
Nah! bang in kitaniyu dih na magmahi iban dih na katinuyu lumang sin mga kakahinang mahsiyat bukun mahunit pa allah in pajatuhun niya in hulah natuh biyah sin jimatuh ha kawman hi lut alayhis salam eadhan billah .
Talusun mayan in bulansang ini inshallah
Magsukul ha mga makabassa sarta nakakawah sila pangadjian bang mayan palayuun katuh taniyu sin allah in katan mulkah niya iban parihalaun in kamruhan natuh iban kaiban sin ginhawa baran natuh di ha dunya dakpak pa adlaw akhirat .