Hawnu kaw ha duwa suntuan ini
In manusiya apabila siya matay na duun na siya halaum sin kubur niya tung-kajinis in hal nila :
1. Aun manusiya apabila siya matay na mabugtuh na in katan ammal ibadat niya duun na kan mangih iban sin marayaw .hatiniya bug-tuh na in katan kakahinang niya , wayruun na karayawan niya mag-datung iban sin kangian niya .
2. Aun daing ha manusiya minsan siya miyatay na sah masi-masi in kangian mag-daratung kaniya .
3. Aun manusiya minsan siya miyatay na sah! Masi-masi in karayawan niya mag-daratung .
Biyaddiin in hantang niya ?
فقال رسول الله صلى الله عليه وسلم: من سن في الإسلام سنة حسنة فله أجرها وأجر من عمل بها من بعده من غير أن ينقص من أجورهم شيء ومن سن في الإسلام سنة سيئة كان عليه وزرها ووزر من عمل بها من بعده من غير أن ينقص من أوزارهم شيء رواه مسلم
Sabda sin nabiy salawat iban salam kaniya sin allah : ( hisiyu-hisiyu in nahinang suntuan pakakahinang marayaw ,nah! tungbasan siya sin allah biyah sin tungbas sin tag-hinangan kaniya ha dih hilangan hangsulag unu-unu daing ha mga pahalah sin tau tag-hinangan kaniya , nah! hisiu-hisiu isab in nahinang suntuan pa kakahinang mahsiyat/ dusa in kaunan niya mag-dusa daisab siya biyah sin dusa amuin tag-hinangan kaniya ha dih dag-gan hangsulag unu-unu sin dusa ha tau tag-hinangan kaniya .
Hantangan niya :
Kakahinanng marayaw :
Bang sawpama niya siya in nahinang suntuan ha pag-sadakka , iban ha pag-samabahayang iban mag-puasa hapag-baktih ha pag-turung ha pagtaat pa bana iban pa duwa maas iban ha unu –unu na karayawan in katan tau sumingud biyah sin kakahinang niya makadawhat sadya siya pahalah minsan pa siya yatu na halaum kubur niya .
Kakahinang mangih
Bang sawpama niya siya in nahinang suntuan maghinanng mahsiyat , biyah na sin pag-ganda riba , pag-shirik pag-zina ha pag-limut , ha pagtumbih ha pag-seksi ha pag-puting iban pag-inum makahihilu mabut na pa katan mahsiyat / piyanglangan sin tuhan nah! sabunnal tuud mag-dusa daisab siya biyah sin dusa mayuin in tau naka singud kaniya minsan pa siya yattu na halaum sin kubur niya .
Daing di ha hadith ini bandinga marayaw in baran mu , unu mag-ridah nakaw minsan kaw yattu na halaum kubur mu sah masi-masi in dusa iban kangian mu mag-daratung ?
Nah! ha palihalan yan subay in manusiya umanib amuin mahinang siya suntuan pa hinang mangih .
0 comments:
Post a Comment