Daing ha Mga ammal ibadat hikadawhat lasa sin Allah

Daing ha Mga ammal ibadat hikadawhat lasa sin Allah sartah alamat sin in ipun kiyalasahan sin tuhan .
WAYRUUN NA SALAGGUH-LAGGUH NIHMAT BANG KAW KIYALASAHAN NA SIN ALLAH IBAN WAYRUUN NA KAGAWAHAN MU DAIN HA HA DUNYA DAKPAK PA ALLAH GANA-GANA , MALAINGKAN IN LASA KATUH TANIYU SIN TUHAN DIH SIYA MADAWHAT SIN BISSAR SADYA SAH! SUBAY LABAYUN DAING HA PAG-TAAT PA ALLAH IBAN PAG-AMMAL IBADAT KANIYA .
In katan unu-unu aun tandah iban alamat in lasa sin allah duun ha ipun niya aun alamat atawa kana un siatan niya daing ha mga alamat duun ha ipun sin in allah limasa kaniya :
Hikaisa niya : Amuna tawpikan niya in tau maun pakakahinang sin nabiy bang siya mag-ammal ibadat imu-upi siya ha unu-unu na in kibaytah kaniya sin nabiy iban imu-upi siya duun ha kakahinang sin nabiy ha parman sin allah :

ققال الله ( قُلْ إِنْ كُنْتُمْ تُحِبُّونَ اللّهَ فَاتَّبِعُونِي يُحْبِبْكُمُ اللَّهُ ويَغْفِر لَكُمْ ذُنُوْبَكُمْ وَاللَّهُ غَفُورٌ رَحِيمٌ)

“PAMUNGAN KANILA (O NABIY MUHAMMAD), BANG IN KAAWNAN NIYU MALASA PA ALLAHU TA’ALA NAH, AGAD KAMU KAKUH (HA PAMANDUH AMUIN PIYATURUN KAKUH SIN TUHAN KU), (TANTU TUUD BANG KAMU MAGAD HA PAMANDUH KU IBAN KAKAHINANG KU) KALASAHAN KAMU SIN ALLAHU TA’ALA, IBAN AMPUNUN NIYA IN PALDUSAHAN NIYU, IN ALLAHU TA’ALA SANGAT MANGANGAMPUN IBAN BAING ULUNGUN” [Surah Al-imran: 31 ]
In bunnal LASA pa Allahu Ta’ala amuna in tumundan, magmalulus iban magpatikupuh ha katan naparatung pa Rasulullah (saw), in bunnal LASA pa Rasulullah amuna in umupi ha kakahinang niya iban lumayuh dain ha kakahinang bahgu amuin bukun

Duun ha ayat yan in makawah ta pangadjian apabila in mansiya miyagad iban imupih duun ha kakahinang sin nabiy nah! ampunu siya silla sartah lasuhun siya .WAYRUUN NA SALAGGUH LAGGUH NIMAT BANG KAW KIYALASAHAN NA SIN TUHAN

Hikaruwa niya : .subay patauran in mga sunnat / duun nakan sunnat sambahayang , sadakka , iban puasa sunnat ha sabda sin allah ha hadith niya qud-siy

((لا يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ورجله التي يمشي بها ، ولئن سألني لأُعطينه ، ولئن استعاذني لأُعيذنه)) ]بخاري[

“MASI-MASI IN IYPUN KU NAGPAPATISUUK (NAG IIBADAT) KAKUH HA PAGHINANG NIYA SIN KASUNNAT SUNNATAN SAHINGGA LASAHUN KU SIYA, APABILA KU SIYA KALASAHAN NAH AKU NA IN PANGDUNGUG AMUIN HIPANGDUNGUG NIYA, IBAN AKU NA IN PANGITAH AMUIN HIPANGITAH NIYA, IBAN AKU NA IN LIMA NIYA AMUIN HIBANTANG NIYA (PAKAYUN) IBAN AKU NA IN SIKI NIYA AMUIN HIPAMANAW NIYA, IBAN BANG SIYA MANGAYUH KAKUH HIDUL KU KANIYA IN PANGAYUH NIYA, IBAN BANG SIYA MAGPATILIBUN KAKUH (DAIN HAKAMUMULAHAN IBAN SASAT SHAYTAN) TANTU LIBUNAN KU SIYA (PALIHARAUN) [Bukhari]

Hatiniya subay kita mag-pataud sin kasunnat sunnatan hasupya ta madawhat in ulang iban lasa sin allah katuyh taniyu . sabab apabila kaw liyasa na sin tuhan hipagbansak niya kaw ha mgamalaikat niya ha sabda sin nabiy ,

وفي رواية لمسلم قال رسول الله صلى الله عليه وسلم إن الله تعالى إذا أحب عبدا دعا جبريل فقال إني أحب فلانا فأحببه فيحبه جبريل ثم ينادي في السماء فيقول إن الله يحب فلانا فأحبوه فيحبه أهل السماء

Hatiniya : sabda sin nabiy salawat iban salam kaniya sin allah : ( sabunnal tuud in allah apabila lasahun niya in ipun tawagun niya in jibril parman sin allah ya jibril sabunnal tuud in aku kalsahanku in tau yaun , nah! lasaha siya , sambil lasahun siya sin jibril , ubus manawagtawag in jibril ha mga malaikat ha taas langit laung niya : ya kamu mga malaikat sabunnal tuud in allah kiyalasahan niya in tau yaun nah! lasaha niyu siya sambil kalsahan na siya sin mga malaikat ,) kiyabaytah hi muslim

Allahu akbar! taymanghud unu pa in kagawahan mu bang kaw kiyalasahan na sin allah .nah! duun ha palihalan yan asubuha in baran mu bang kaw nagtaat da pa allah?
Iban asubuha in baran unu in pag-ibadat ku imamu ra duun ha kakahinang sin nabiy ?
Iban asubuha in baran mu bang kaw kiyalasahan da sin tuhan mu ?
Nah! subay kitaniyu katan mag-muhut iban umangut sin tiranan hikalasa katuh taniyu sin tuhan .