Hukaman sin pag-siyawak iban na sin dugaing niya

Hukaman sin pag-siyawak iban na sin dugaing niya

روت أم المؤمنين عائشة رضي الله عنها ; أن النبي صلى الله عليه وسلم ; قال : السواك مطهرة للفم مرضاة للرب رواه أحمد وغيره .

Kiyabaytah hi aiesha kiyaridaan siya allah : sabunnal tuud in nabiy salawat iban salam kaniya sin allah sabda niya : in pag-siwak makalissin sin ipun iban laum simud s...artah karidaan sin tuhan . [ kiyariwayat hi ahmad iban na sin dugaing niya ]

وثبت في " الصحيحين " عن أبي هريرة رضي الله عنه ; قال : قال رسول الله صلى الله عليه وسلم : خمس من الفطرة : الاستحداد , والختان , وقص الشارب , ونتف الإبط , وتقليم الأظافر

Daing kan abu hurayrah kiyaridaan siya sin allah : laung niya : sabda sin rasul salawat iban salam kaniya sin allah : lima daing ha mga ibadat ( fitratun ) : pag-bagung sin buhuk ha awrat , pag-islam , pag-bagung sin pungut dapi pa taas pag-bagung sin bul-bul iluk iban sin pagtup-tup sin kukkuh . [kiyabaytah hi bukhaiy iban hi muslim ]

Hati sin fitratun : amuin kariyasali sin kapapanjari sin allah ha mga ipun niya sartah naraak sila sin hipahinang kanila .

وفي " الصحيحين " أيضا عن ابن عمر رضي الله عنهما مرفوعا : أحفوا الشوارب وأعفوا اللحى
Daing kan ibnu umar kiyaridaan siya sila allah : bagungi niyu in pungut dapit pa taas sin higad simud sartah pahabaa niyu in pungut niyu .

Duun ha mga hadith nasabbut yan aun duun mga hukaman subay natuh patarrangun

1. Pag-siwak = in pag-siwak sunnat piyangdaakan sin sarah sabab daing ha mga kakahinang sin kanabiy nabihan sabab in karayawan makawah kaniya
Hikaisa niya paidda dain di ha dunya : in pag-siwak makalissin sin ipin iban simud
Hikaruwa niya paidda ha adlaw akhirat : in pag-siwak kariridaan sin tuhan

Ha tungud sin pag-toothbrash madawhat ta in kalissinan sin ipu iban sin lanuh sin laum simud .

In pag-siwak siyaunnat siya ha katan waktu minsan pa in kaunan sin tau ha sahbu siya nag-puasa siyunnat da kaniya sah aun mga waktu iban tampat mahinang siya sunnat mu’akkada biya na ha waktu :

• Duun ha sambahayang sibuh dakan parduh atawa kan sunnat in tampat sin pag-siwak ha dih pakaw makatakbir .
• Bang kaw mag-ayil in tampat sin pag-siwak duun ha pag-gumgum .
• Apabila mahuh in simud mu
• Apabila kaw makabatih daing ha katugan sibuh da adlaw iban dum
• Apabila kaw mamassa sin qur-an in tampat niya ha dih pakaw makabassa sin qur-an .

Hukuman sin lima fitratun ( Hati sin fitratun : amuin kariyasali sin kapapanjari sin allah ha mga ipun niya sartah naraak sila sin hipahinang kanila ) .

Hikaisa niya : pag-pagung buhuk amuin timubuh ha awrat in yan piyangdaakan sin allah iban rasul niya , ha palihalan yan laung sin mga ulama subay dih makaliyu daing ha kahpatan adlaw sabab bang limiyu na daing ha kahpatan adalw dih niya bagungan mag-dusa na siya .
Hikaruwa niya : pag-islam in hukaman niya yari in papanaw sin mga kaulmaan ha tungud sin hukuman sin pag-islam .
1. in hukaman niya bang ha usug wajib sah bang ha babai sunnat amuyan in papanaw hi ibnu qudama kiya ulungan siya sin allah / ha kitab zad mustaknih ala sharhul mumtih kitab at-tahara .
2. ha madhab sin hambali wajib ha usug iban ha babai / ha kitab zad mustaknih ala sharhul mumtih kitab at-tahara .

3. in hukuman niya sunnat ha usug iban babai ha hambuuk riwayat daing kan imam malikkiya ulungan siya sin allah / ha kitab zad mustaknih ala sharhul mumtih kitab at-tahara iban ha kita thfatul mawdud kan ibnul qayyim .

• duun ha mga papanaw yan in pinakamasuuk hukuman sin pag-islam wajib ha mga kausugan sunnat ha mga kababaihan / ha kitab zad mustaknih ala sharhul mumtih kitab at-tahara kan ibnu al-uthaymin kiya ulungan siya sin allah .
hikatu niya : pag-bagung sin pungut dapit pa taas sin simud niya sartah wajib pahabaun in pungut bungus sabab piyanglangan sin nabiy in mag-bagung sin pungut amuin timutubuh ha pingpingan iban takuh in hikmat dain duun hasupaya masulang ta in kakahinang sin mga yahudi iban nasrani .
hikaupat niya : pag-larut atawa kan pag-bagung sin bul-bul iluk in hikmat duun hasapaya siya malissin iban dih magbahuh iban subay niya dih paabutun pa kahpatan adlaw .
hikalima niya : pag-tup-tup sin kukku in hikmat duun hasupaya malissin siya aturun iban dih siya maksingud ha mga binatang amuin nag-hahabaan in kukkuh iban janggay .hangkan piyalanagan sin rasul in mag-pahaba sin kukku sibuh da usug iban babai .

patum-tum
in mga bul-bul iban sin mga buhuk nasabbut yan subay siya dih lumabih daing ha kahpatan adlaw sabab! Laung sin mga ulama apabila lumabi na daing kahpatan adlaw dih na uturan atawa kan bagungan magdusa siya pa allah .