Aturan sin Pagjamban

Aturan sin Pagjamban

In agama islam agam jukup wayruun daing ha mga karayaw sin pag-dunya iban sin pag-agama malaingkan biyataytah katuh taniyu katan sin allah iban rasul niya , in katan sin kabuhih ta aun aturan niya hinang katuh taniyu sin allah , nah! in muslim bang siya mangjamban aun aturan niya ha dih pa siya makasud pa laum sin pag-jamaban siyunnat kaniya mamassa sin

)بسم الله , أعوذ بالله من الخبث والخبائث (
( bismillah allahumma inniy audhubika minal khubthiy wal khaba ith )
Hatiniya : tag-naan ku daing ha ngan sin allah , mag-patilubun aku daing ha panasat sin shayatan usug iban shaytan babai .

Daing ha aturan sin pag-jamban :
Bang sawpama in kaunan niya ha gimba atawa kan ha desert subay siya lumayuh daing ha mga tau amuin dih siya kakitaan iban maun siya patampat amuin katamapanan siya .
Bang in kaunan niya ha kapantayan hiyaram kaniya in umalup pa kiblat atawa kan taykuran niya in kiblat ha sahbu siya duun ha pag-jambanan , hatiniya subay siya dih umalup pa kiblat iban subay niya dih taykuran in kiblat .
Adapun bang in kaunan niya halaum toilet duwa in papanaw sin mga kaulamaan duun :
1. Manjari siya umalup pa kiblat atawa kan taykuran niya in kiblat sabab yaun da siya halaum toilet .
2. Dih siya manjari umalup pa kiblat atawa kan taykuran niya in kiblat minsan pa in kaunan niya halaum toilet .
Damikkiyan niya subay niya aniban in pigsik sin ihih niya sabab adakala kapisikan in baran iban sin badjuh niya .
Damikkiyan niya hiyaram kaniya amuin kumpitan niya sin lima niya tuu inawarat niya ha sahbu siya nag-jajamban .
Damikkiyan niya dih siya manajari mangjaban ha dan pag-lalabayan sin mga tau iban dih manjari kaniya amuin mang-jamban siya atawa kan mangihi ha tamapat pag-hali-halihan sin mga tau .iban dih siya manjari mangjamban ha puun kahuy sin tau labiy awla na tuud bang in kaunan sin kahuy aun bunga niya .
Damikkiyan niya dih siya manjari mangjamban ha tubig dih mag-anud biyah na sin tubig kuppung iban tubig kalih .
Damikkiyan niya dih siya manjari mag-bissara ha sahbu nagjamban .
Subay niya dih dahun in qur-an atawa kan mga sulat daing ha qur-an pa tampat pag-jamabanan .
Maubus mayan sin mangjaban in hipamauppuh niya tabig , bang sawpama niya wayruun tubig in usalun niya batu , bang sawpama niya wayruun batu jiyari da in mga dahun dahun atawa kan katas atawa kan tisyu atawa kan kahuy ha sarat igun niya in najjis daing ha tampat sin awrat niya .
Iban dih niya manjari usalun pag-pauppuh in bukug sin sapi atawa kan bukug sin kambing atawa kan bukug sin untah dana in mga tai sin mga binatang nasabbut yan sabab piyanglangan sin nabiy salawat iban salam kaniya sin allah .
Patumtum :
In pag-istinja amuna in pag-jamban daing di ha ini in pangannal sin kamatauran subay tuud siya mahinang ha dih pakaw maka ayil , in ini bang sawpama niya wayruun daisab kaw jiyamban dih na siya magkaligahan in subay pa mag-istinjah sabab in hati soin pag-istinjah pag-sutsi ha pag-ubus mangjamban .

Ya kaw taymnghud ku muslim subay mu tuud aniban in pigsik sin ihih sabab in kamaturan manusiya siksah sila halaum sin pakubulan nila sabab dih nila aniban in pigsik sin ihi nila .iban in muslim subay niya tuud sutsihun in baran niya daing ha mga najjis sabab in allah siyanglit niya in mga manusiya amuin nag-sutsi sin pag-ibadat nila daing ha shirk iban nag-sutsi sin baran nila daing ha najjis ha parman niya :

قال الله تعالى : )وَاللَّهُ يُحِبُّ الْمُطَّهِّرِينَ (

HATINIYA : IBAN SABUNNAL TUUD IN ALLAH MALASA SIYA HA MGA MANUSIYA NAG-SUSUTSI .
BANG MAYAN PALIHALAUN NATUH IN KASUTSIHAN SIN PAG-IBADAT NATUH . IBAN BANG MAYAN TAWPIKAN IN KATAN MUSLIM HUMATIH SIN PAG-AGAMA NILA IBAN SARAH SIN ALLAH .