mowa

Fahad Haris

HUKUMAN SIN PAG-BIJIN ( PAG-WALNAH SIN BUHUK )

Pag-ka nakawah taniyu naka una in hukuman sin mag-larut uban , ha bihaun manga tuwan manga rayang in lilayun taniyu ha tungud sin hukuman sin pag-bijin sin buhuk atawa pungut .

عن جابر بن عبد الله قال : ( جيء بأبي قحافة يوم الفتح إلى رسول الله صلى الله عليه وآله وسلم وكأن رأسه ثغامة فقال رسول الله صلى الله عليه وآله وسلم : اذهبوا به إلى بعض نسائه فلتغيره بشيء وجنبوه السواد ) رواه الجماعة

Baytah daying kan Jabir ibn Abdi Allah kiyaridaan siya sin Allahu ta’ala : { diya hi Abu kuhafa ha adlaw sin ka ukab sin hulah makkah maun pa rasul sin Allah salawat iban salam kaniya sin tuhan , in buhuk hi Abu Kuhafa namumutian , sabda kaniya sin rasul sin Allah salawat iban salam kaniya sin tuhan , daha niyu siya madtu pa kaibanan asawa niya sartah , pa walnai niyu sin dugaing sartah ayaw niyu butangi walnah itum }

قال الشوكاني رحمه الله تعالى : ( والحديث يدل على مشروعية تغيير الشيب وأنه غير مختص باللحية وعلى كراهة الخضاب بالسواد قال بذلك جماعة من العلماء )

Laung hi Ash-awkaniy kiya ulungan siya sin Allahu ta’ala : [ in hadith yan manunjuki sin jiyari mag-pindah walnah sin buhuk puti maun pa dugaing , sartah bukun sadya siya tumubtub duun ha pungut , sartah miyakruh in walnaan itum in buhuk putih amuyan in kiyabaytah sin daying ha manga tumpukan sin kaulamaan ]

Laung niya pa mataud in kahadith-hadithan amuin namaytai sin sunnat in mag-pinda sin buhuk puti maun pa walnah dugaing , in daying manga hadith nag-patarrang

حديث ابن عباس: ( إن اليهود والنصارى لا يصبغون فخالفوهم ) أخرجه البخاري ومسلم والنسائي وأبو داود

Baytah daying kan Ibnu Abbas kiyaridaan sila sin tuhan sabda sin nabiy salawat iban salam kaniya : [ sabunnal tuud in manga sila yahudiy iban nasraniy dih sila mag-pindah sin walnah sin buhuk nila , nah! Sulanga niyu sila ] kiyariwayat hi Al-bukhariy iban hi Muslim iban hi Abu Da’ud .

وعن ابن عمر رضي الله عنهما : ( أنه كان يصبغ لحيته بالصفرة ويقول رأيت النبي صلى الله عليه وآله وسلم يصبغ بها(أخرجه أبو داود والنسائي

Baytah dying kan Ibnu Umar kiyaridaan sila sin tuhan : [ in ka awnan hi Ibnu Umar in pag-walnaan niya in pungut niya sin walnah biyaning , iban sin pag-agi niya kitah ku in nabiy salawat iban salam kaniya pag-butangan niya biyaning in pungut niya ] kiya baytah hi Abu Da’ud iban hi An’nasa’i

و قال ابن القيم رحمه الله تعالى : ( واختلف الصحابة في خضابه صلى الله عليه وآله وسلم فقال أنس : لم يخضب وقال أبو هريرة : خضب . وقد روى حماد بن سلمة عن حميد عن أنس قال : ( رأيت شعر رسول الله صلى الله عليه وآله وسلم مخضوبا ) …
وقالت طائفة كان رسول الله صلى الله عليه وآله وسلم مما يكثر الطيب قد احمر شعره فكان يظن مخضوبا ولم يخضب ) انتهى

Laung hi Ibnu Al-qayyim kiya ulungan siya sin Allahu ta’ala : [ na awun ha antara sin manga sahabat in pag-bissara ha palihalan sin pag-butang walnah biyanig ha pungut sin nabiy salawat iban salam kaniya , laung hi Anas ( kiyaridaan siya sin tuhan ) wayruun nakapagwalnah biyaning , laung hi Abu Hurayrah ( kiyaridaan siya sin tuhan ) nakapagwlnah siya biyaning . kiyabaytah hi Hmmad ibn Salamah baytah daying kan Humaid baytah daying kan Anas kiyaridaan siya sin Allah laung niya : [ kitah ku in buhuk sin rasul sin Allah salawat iban salam kaniya biyutangan walnah .....
Laung sin daying ha manga tumpukan sin manga kaulamaan in ka awnan sin rasul sin Allah salawat iban salam kaniya pataurun niya in pag-pahamut daying ha sabab yan namulahan in buhuk niya , in kannal in manga sahabat biyutangan niya walnah , adapun wayruun biyutangan niya walnah ) timubtub duun in kabtangan hi Ibnu Al-qayyim .

قال النووي رحمه الله تعالى : ( مذهبنا استحباب خضاب الشيب للرجل والمرأة بصفرة أو حمرة ويحرم خضابه بالسواد على الأصح )

Laung hi An-nawawiy kiya ulungan siya sin Allahu ta’ala : [ ha majhab namuh ( Ash-shafiey ) siyunnat in pindahun in uban ( buhuk putih ) sibuh da usug iban babai ,maun pa walnah biyanig atawa pula , sartah hiyaram in magbijin ( walnah ) itum amuyan in papanaw bunnal )

In kahawpuan niya :

Jiyari mu walnaun in buhuk mu itum pa walnah pula atawa biyaning .
Ha kaibanan ulama siyunnat in magwalnah biyah na sabbaut hi imam Ash-shawkaniy kiya ulungan siya sin tuhan .

In pindahun mu in buhuk mu putih maun pa walnah itum , ha kaibanan ulama miyakru siya , malingkat in tinggalan .
Adapun in panghukuman sin majhab sin Ash-shafiey haram pakanila biyah na nasabbut hi imam An-nawawiy iban nasabbut ha kitab Al-hawiy .

……………………………….

Patum-tum aun daying ha manga kabataan batah bahgu magwlanah sila inda jinis sin buhuk nila karnah pangikuti nila ha manga kapir atawa pingud-singud nila pa manga artista atawa singer , in yan dih siya manjari karnah naingud singud kaw kanila ha style sin buhuk .

……………………………

Piyangawaan pangadjian daying ha kitab :

NAYLUL AWTAR biyaktul hi imam Ash-kawniy kiya ulungan sin Allahu ta’ala
Ha bab ( tag-yir Ash-shayib .. )